പ്രായത്തിൽ കുറഞ്ഞ ഭാര്യയെ സംശയം !ഭാര്യയേയും രണ്ടു മക്കളേയും കൊന്ന കണ്ണൂരുകാരന് യുകെയിൽ 40 വർഷം ശിക്ഷ! യുകെയിൽ വധശിക്ഷയ്ക്കു സമാനമായ തടവുശിക്ഷ കിട്ടുന്ന ആദ്യ മലയാളി

ലണ്ടൻ : യുകെയിലെ കെറ്ററിങ്ങിൽ മലയാളി നേഴ്സായ ഭാര്യയേയും രണ്ട് പിഞ്ചുകുഞ്ഞുങ്ങളെയും കൊലപ്പെടുത്തിയ കണ്ണൂർക്കാരൻ സാജുവിന് 40 വർഷം തടവ്.15 വയസ്സോളം പ്രായത്തിൽ ഇളപ്പമുള്ള ഭാര്യയെ സംശയം കൊലപാതകത്തിൽ എത്തിച്ചു. കേസിൽ കണ്ണൂരുകാരനായ പ്രതി ഷാജുവിന് 40 വർഷത്തെ ജയിൽ ശിക്ഷ. നോർത്താംപ്ടൺ ക്രൗൺ കോടതിയാണ് 40 വർഷത്തെ പരമാവധി ശിക്ഷതന്നെ പ്രതിക്ക് നൽകിയത്.

കഴിഞ്ഞവർഷം ഡിസംബർ ഒമ്പതിനായിരുന്നു കണ്ണൂർ ശ്രീകണ്ഠാപുരം പടിയൂർ സ്വദേശിയായ ചേലവേലിൽ ഷാജു(52) ഭാര്യ അഞ്ജുവിനെയും മക്കളായ ജീവ (6) ജാൻവി (4) എന്നിവരെയും കൊലചെയ്തത്. അന്നുതന്നെ അറസ്റ്റിലായ ഷാജുവിനെ വിചാരണ തീരും വരെ ജുഡീഷ്യൽ കസ്റ്റഡിയിൽ സൂക്ഷിക്കാൻ നേരത്തെ നോർത്താംപ്ടൺഷെയർ ക്രൗൺ കോടതി ഉത്തരവിട്ടിരുന്നു.