ഒന്നാം വിവാഹ വാര്‍ഷികദിനത്തില്‍ ഭാര്യക്ക് എകെ 47 തോക്ക് സമ്മാനമായി നല്‍കിയ തൃണമൂല്‍ മുന്‍ നേതാവ് റിയാസുല്‍ ഹഖ് വിവാദത്തില്‍. ഭാര്യ സബിന യാസ്മിന് കഴിഞ്ഞ തിങ്കളാഴ്ചയാണ് റിയാസ് തോക്ക് സമ്മാനമായി നല്‍കിയത്. ഇതിന്റെ ചിത്രങ്ങള്‍ സമൂഹമാധ്യമത്തില്‍ പ്രചരിച്ചതോടെ സംഭവം വിവാദമായി.
Herald News TV വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group 1
| Whatsapp Group 2
| Telegram Group | Google News
ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക
റിയാസുലിനെതിരെ ബിജെപിയും സിപിഎമ്മും രംഗത്തെത്തി. സംസ്ഥാനത്ത് ‘താലിബാന്‍ ഭരണം’ പ്രമോട്ട് ചെയ്യുകയാണ് റിയാസുലെന്ന് ബിജെപി ആരോപിച്ചു. ഇതിന് പിന്നാലെ ഭാര്യയുടെ കൈയില്‍ കളിത്തോക്കാണ് എന്ന വിശദീകരണവുമായി റിയാസുല്‍ ഹഖ് രംഗത്തെത്തി. ‘ഒരു കളിത്തോക്ക് കൈയില്‍ പിടിച്ചു നില്‍ക്കുന്നതില്‍ നിയമപരമായി ഒരു തെറ്റുമില്ല. എനിക്കെതിരെയുള്ള ആരോപണങ്ങള്‍ അടിസ്ഥാനരഹിതമാണ്’ – അദ്ദേഹം പറഞ്ഞു. സമൂഹമാധ്യമത്തില്‍നിന്ന് പോസ്റ്റ് ഡിലീറ്റ് ചെയ്തതായും അദ്ദേഹം വ്യക്തമാക്കി.