എറണാകുളം:അങ്കമാലി താലൂക്ക് ആശുപത്രിയില് പനി ബാധിച്ച കുട്ടിക്ക് പേവിഷ ബാധയ്ക്കുള്ള കുത്തിവയ്പ്പ് നല്കിയെന്ന പരാതിയില് താത്ക്കാലിക നഴ്സിനെ ആശുപത്രിയില് നിന്നും ഒഴിവാക്കും. സംഭവം ശ്രദ്ധയില്പ്പെട്ടതിനെ തുടര്ന്ന് അന്വേഷിച്ച് കര്ശന നടപടി സ്വീകരിക്കാന് ആരോഗ്യ വകുപ്പ് മന്ത്രി വീണാ ജോര്ജ് ആരോഗ്യ വകുപ്പ് ഡയറക്ടര്ക്ക് നിര്ദേശം നല്കിയിരുന്നു. ഇതിനെത്തുടര്ന്നാണ് നടപടി. സംഭവത്തില് നഴ്സിന് വീഴ്ച്ചയെന്ന് ആരോഗ്യ വകുപ്പ് റിപ്പോര്ട്ട് നല്കിയിരുന്നു.ചീട്ടുപോലും പരിശോധിക്കാതെയാണ് കുട്ടിക്ക് പേവിഷബാധക്കുള്ള ഇഞ്ചക്ഷന് എടുത്തതെന്നാണ് റിപ്പോര്ട്ട്.കൂടെ ആരുമില്ലാത്തപ്പോള് കുട്ടിക്ക് ഇഞ്ചക്ഷണന് നല്കിയതും വീഴ്ച്ചയാണ്.
അങ്കമാലി താലൂക്ക് ആശുപത്രി സൂപ്രണ്ട് ജില്ലാ മെഡിക്കല് ഓഫീസര്ക്കാണ് റിപ്പോര്ട്ട് നല്കിയത്.എന്നാല് നഴ്സിനെതിരെ പരാതിയില്ലെന്ന് കുട്ടിയുടെ അമ്മ പറഞ്ഞു.നഴ്സിന്റെ ഭാഗത്ത് നിന്ന് വീഴ്ച ഉണ്ടായി എന്നത് സത്യമാണ്.പക്ഷേ അതിനെതിരെ നടപടി എടുക്കുന്നതിന് താല്പര്യം ഇല്ല.വീഴ്ച ആവര്ത്തിക്കരുതെന്നും കുട്ടിയുടെ അമ്മ ആവശ്യപ്പെട്ടു.