കൊല്ലം: 71 ഗ്രാം എം.ഡി.എം.എയുമായി ബി.ഡി.എസ് വിദ്യാര്‍ഥി പൊലീസ് പിടിയില്‍. കോഴിക്കോട് പൂനൂര്‍ കിഴക്കോത്ത് പുതുപറമ്പില്‍ വീട്ടില്‍ പി.പി. നൗഫല്‍ (28) ആണ് അറസ്റ്റിലായത്. ഇയാള്‍ കൊല്ലത്തെ ഒരു സ്വകാര്യ മെഡിക്കല്‍ കോളജിലെ അവസാന വര്‍ഷ ബി.ഡി.എസ് വിദ്യാര്‍ഥിയാണെന്ന് പൊലീസ് പറഞ്ഞു.
Herald News TV വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group 1
| Whatsapp Group 2
| Telegram Group | Google News
ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക
ഇന്ന് പുലര്‍ച്ചെ ആറോടെ കൊട്ടിയം ജങ്ഷനില്‍ വച്ചാണ് നൗഫല്‍ പിടിയിലായത്. ബംഗളൂരുവില്‍ നിന്നെത്തിയ ആഡംബര ബസ്സില്‍ കൊട്ടിയത്ത് ഇറങ്ങുമ്പോള്‍ പൊലീസ് അറസ്റ്റ് ചെയ്യുകയായിരുന്നു. രഹസ്യവിവരത്തിന്റെ അടിസ്ഥാനത്തിലാണ് അറസ്റ്റ്. ബസില്‍ നിന്നിറങ്ങിയ ഉടന്‍ തന്നെ നൗഫലിനെ കസ്റ്റഡിയിലെടുത്തു. ബാഗ് പരിശോധിച്ചപ്പോഴാണ് മാരക ലഹരി വസ്തു കണ്ടെടുത്തത്.