ഗാസിയാബാദ്: യുപിയിലെ ഗാസിയാബാദില്‍ നായയുടെ കടിയേറ്റ കാര്യം മാതാപിതാക്കളോട് മറച്ചുവച്ച പതിനാലുകാരന്‍ ഒരുമാസത്തിനു ശേഷം പേവിഷബാധയേറ്റു മരിച്ചു. എട്ടാം ക്ലാസ് വിദ്യാര്‍ഥിയായ ഷഹ്‌വാസാണ് മരിച്ചത്.
Herald News TV വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group 1
| Whatsapp Group 2
| Telegram Group | Google News
ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക
വിജയ് നഗര്‍ പൊലീസ് സ്റ്റേഷന്‍ പരിധിയിലെ ചരണ്‍ സിംഗ് കോളനിയില്‍ താമസിക്കുന്ന ഷഹ്‌വാസിനെ ഒന്നര മാസം മുമ്പ് അയല്‍വാസിയുടെ നായ കടിച്ചെങ്കിലും ഭയന്ന് മാതാപിതാക്കളില്‍ നിന്ന് മറച്ചുവച്ചു. കുറച്ചു ദിവസം കഴിഞ്ഞപ്പോള്‍ അസ്വാഭാവികമായി പെരുമാറാന്‍ തുടങ്ങി. സെപ്തംബര്‍ 1ന് ഭക്ഷണം കഴിക്കുന്നതും നിര്‍ത്തി. പിന്നീടാണ് നായ കടിച്ച കാര്യം പറയുന്നത്.
സംഭവത്തില്‍ പരാതി നല്‍കിയിട്ടുണ്ടെന്നും നായയുടെ ഉടമയ്ക്കെതിരെ നടപടിയെടുക്കുമെന്നും കോട്വാലി സോണ്‍ അസിസ്റ്റന്റ് പൊലീസ് കമ്മീഷണര്‍ നിമിഷ് പാട്ടീല്‍ പറഞ്ഞു.