ഡബ്ലിനില്‍ യുവാവിനെ വാനിടിച്ച് പരിക്കേല്‍പ്പിച്ച ശേഷം ക്രൂരമായി ആക്രമിച്ചതായി റിപ്പോര്‍ട്ട്. ഒക്ടോബര്‍ 13 വെള്ളിയാഴ്ച രാത്രി 11 മണിയോടെയാണ് ഡബ്ലിന്‍ 15ലെ Blanchardstownലുള്ള Damastown-ല്‍ ഞെട്ടിപ്പിക്കുന്ന സംഭവം നടന്നത്.
സോഷ്യല്‍ മീഡിയയില്‍ പ്രചരിക്കുന്ന വീഡിയോയില്‍ ഒരുപാട് പേര്‍ നോക്കിനില്‍ക്കെ വെളുത്ത നിറമുള്ള വാന്‍ ഒരു യുവാവിനെ ഇടിക്കുന്നതും ശേഷം ഒരു സംഘമാളുകള്‍ ആയുധങ്ങളുമായി ചെറുപ്പക്കാരനെ ആക്രമിക്കുന്നതും കാണാം. വാന്‍ ഇടിക്കുന്നതിന് മുമ്പ് ഈ യുവാവിന്റെ കൈയിലും ഒരു ആയുധം കാണാം.
ആക്രമണത്തിന് ശേഷം സംഘം ഒരു കറുത്ത കാറില്‍ രക്ഷപ്പെട്ടു. ഈ സമയം അവിടെയുണ്ടായിരുന്നവര്‍ ചെറുപ്പക്കാരനെ താങ്ങിയെടുക്കുന്നതും വീഡിയോയില്‍ വ്യക്തമാണ്.
പരിക്കേറ്റ ചെറുപ്പക്കാരനെ Connolly Hospital Blanchardstown-ല്‍ പ്രവേശിപ്പിച്ചു. സംഭവത്തില്‍ ഗാര്‍ഡ അന്വേഷണം നടക്കുകയാണ്.