ക്രിക്കറ്റ് ആരാധകർ ഏറെ ആവേശത്തോടെ കാത്തിരിക്കുന്ന ഇന്ത്യ – പാക് പോരാട്ടം ഈ വർഷവും ഉണ്ടാകും.
ഓസ്‌ട്രേലിയ വേദിയാകുന്ന 2022 ഐസിസി ട്വന്റി-20 ലോകകപ്പിലാണ് ഇന്ത്യ-പാകിസ്താനെ ഈ വർഷം നേരിടുക.
ലോകകപ്പിൽ ഇരു ടീമുകളും ഗ്രൂപ്പ് 2 വിലാണ്. ഒക്ടോബർ 23 ന് മെൽബണിലാണ് ഇന്ത്യ-പാക് മത്സരം നടക്കുക.
12 ടീമുകളാണ് 2022 ട്വന്റി-20 ലോകകപ്പ് കളിക്കുക. ഇതിൽ 8 ടീമുകളെ റാങ്കിങിന്റെ അടിസ്ഥാനത്തിൽ തെരഞ്ഞെടുത്തിട്ടുണ്ട്. ബാക്കി 4 ടീമുകൾ ക്വാളിഫയർ മത്സരം വിജയിച്ച് ലോകകപ്പ് കളിക്കും.
ഒക്ടോബർ 16 ന് ശ്രീലങ്ക-നമീബിയ മത്സരത്തോടെ ക്വാളിഫയർ മത്സരങ്ങൾ ആരംഭിക്കും. ഒക്ടോബർ 22 ന് ഓസ്‌ട്രേലിയ-ന്യൂസിലൻഡ് പോരാട്ടത്തോടെയാണ് സൂപ്പർ 12 മത്സരങ്ങൾ ആരംഭിക്കുന്നത്.
നവംബർ ഒമ്പതിന് ഒന്നാം സെമിയും നവംബർ പത്തിന് രണ്ടാം സെമിഫൈനലും നടക്കും. നവംബർ 13 ന് മെൽബണിലാണ് ഫൈനൽ.
പാകിസ്താനുമായുള്ള പരമ്പരകൾ നിർത്തിവെച്ച ശേഷം ഐസിസി വേദികളിൽ മാത്രമാണ് ഇന്ത്യ-പാക് പോരാട്ടങ്ങൾ നടക്കാറുള്ളത്.