ജോലി ചെയ്യുന്നവര്‍ക്ക്​ കൂലി നല്‍കുന്നതില്‍ കെ.എസ്​.ആര്‍.ടി.സിക്കും കൊച്ചി മെട്രോക്കും രണ്ടു നീതി.

Must Read

ജോലി ചെയ്യുന്നവര്‍ക്ക്​ കൂലി നല്‍കുന്നതില്‍ കെ.എസ്​.ആര്‍.ടി.സിക്കും കൊച്ചി മെട്രോക്കും രണ്ടു നീതി.

 

 

ശമ്ബളം നല്‍കുന്നതില്‍ കെ.എസ്​.ആര്‍.ടി.സിക്കും കൊച്ചി മെട്രോക്കും രണ്ടു നീതി; ദിവസം 60,359 യാത്രക്കാരുള്ള  മെട്രോയുടെ നഷ്ടം പ്രതിദിനം ഒരു കോടി രൂപ

പൊതുജനങ്ങളുടെ യാത്രാ സൗകര്യത്തിനുവേണ്ടി സ്ഥാപിക്കപ്പെട്ട രണ്ടു സംവിധാനങ്ങളും വന്‍ നഷ്ടത്തിലാണെങ്കിലും കൊച്ചി മെട്രോയിലെ ജീവനക്കാര്‍ക്ക്​ ശമ്ബളം കൃത്യമായി ലഭിക്കുന്നുണ്ട്​. എന്നാല്‍, കെ.എസ്​.ആര്‍.ടി.സിയില്‍ ശമ്ബളത്തിന്​ അവസാന പരിഗണന മാത്രമാണ്​ കിട്ടുന്നത്​.

വായ്പാ തിരിച്ചടവുമുതല്‍ സ്​പെയര്‍പാര്‍ട്​സ്​ വാങ്ങുന്നതിനു വരെ തുക മാറ്റിവെച്ചതിന്​ ശേഷമെ ശമ്ബളത്തെക്കുറിച്ചു ചിന്തിക്കുന്നുള്ളൂ. 2022 ​മേയ്​ അഞ്ചിന്​ 3785 ബസുകള്‍ ഓടിക്കാന്‍ 7,570 ഡ്രൈവര്‍മാരെയും കണ്ടക്ടര്‍മാരെയുമാണ്​ നിയോഗിച്ചിരുന്നത്​. ഇവര്‍ 12.60 ലക്ഷം കിലോമീറ്റര്‍ ബസുകള്‍ ഓടിച്ച്‌​ 19.77 ലക്ഷം യാത്രക്കാരെ കയറ്റിയിറക്കി. 6.698 കോടി രൂപയായിരുന്നു ഈ ദിവസത്തെ വരുമാനം. ഒരു ബസിന്​​ 17,698 രൂപ പ്രകാരം ശരാശരി വരുമാനം നേടി. ഒരു കിലോമീറ്ററില്‍ നിന്ന്​ കോര്‍പറേഷന്​ കിട്ടിയ വരുമാനം​ 53.15 രൂപയാണ്​. ഏപ്രില്‍ മാസം 158 കോടി രൂപയായിരുന്നു കെ.എസ്​.ആര്‍.ടി.സിയുടെ വരുമാനം. ഇതില്‍ ശമ്ബളം നല്‍കാന്‍ വേണ്ടത്​ 82 കോടിയായിരുന്നു. പ്രതിദിനം 5.56 കോടി രൂപ വരുമാനമുണ്ടാക്കുന്ന കെ.എസ്​.ആര്‍.ടി.സിക്ക്​ ശമ്ബളയിനത്തില്‍ പ്രതിദിനം ചെലവഴിക്കേണ്ടിവരുന്നത്​ 2.73 കോടി രൂപയാണ്​. എന്നിട്ടും ശമ്ബളത്തിന്​ പ്രഥമ പരിഗണന നല്‍കാന്‍ മാനേജ്​മെന്‍റ്​ തയാറാകുന്നില്ല. അതേസമയം നഷ്ടം കുറക്കാക്കാനുള്ള മറ്റുവഴികള്‍ ഉണ്ടായിട്ടും പ്രയോജനപ്പെടുത്താനും അവര്‍ തയാറാകുന്നില്ല.

ലഭ്യമായ കണക്കുകള്‍ അനുസരിച്ച്‌​ മെയ്​ അഞ്ചിന്​ 2,95,602 ലിറ്റര്‍ ഡീസലാണ്​ കെ.എസ്​.ആര്‍.ടി.സി ഉപയോഗിച്ചത്​. മൊത്തവില അനുസരിച്ച്‌​ കോര്‍പറേഷന്​ ഡീസല്‍ കിട്ടുന്നത്​ ലിറ്ററിന്​ 128.77 രൂപ നിരക്കിലാണ്​. പുറത്തു സ്വകാര്യ പമ്ബില്‍ നിന്ന്​ 102.35 രൂപക്കും കെ.എസ്​.ആര്‍.ടി.സിക്ക്​ ഡീസലടിക്കാനാവും. ഇങ്ങനെ ചെയ്താല്‍ പ്രതിദിനം 78 ലക്ഷം രൂപയുടെ ലാഭം കെ.എസ്​.ആര്‍.ടി.സിക്ക്​ ഉണ്ടാകും. ​

കൊച്ചി മെട്രോയുടെ പ്രതിദിന നഷ്ടം ഒരു കോടി രൂപയാണ്​. ഇത്​ സര്‍ക്കാര്‍ നികത്തുന്നുണ്ട്​. മെട്രോയുടെ പ്രതിദിന യാത്രികരു​ടെ എണ്ണം 60,359 മാത്രമാണ്​. ഇതേ മാനദണ്ഡമനുസരിച്ച്‌​ നോക്കിയാല്‍ ദിവസവും 19 ലക്ഷത്തിലേറെ യാത്രക്കാരെ കൊണ്ടുപോകുന്ന കെ.എസ്​.ആര്‍.ടി.സിക്ക്​ സര്‍ക്കാര്‍ പ്രതിദിനം 32.75 കോടി രൂപ നല്‍കണം.

Latest News

വലിപ്പകൂടുതൽ കാരണം”എന്ത് വളമാണ് ഇടുന്നത് ” എന്ന് ചോദിച്ചവരുണ്ട്.. ഒരുപാട് ബോഡി ഷെ മിങ് അനുഭവിച്ചിട്ടുണ്ടെന്ന് അധീവ ദുഖത്തോടെ അന്വേഷി ജെയിൻ

ശരീരാവയവത്തിന്റെ വലിപ്പകൂടുതൽ കാരണം എന്ത് വളമാണ് ഇടുന്നത് എന്ന് ചോദിച്ചവരുണ്ട്..അതിനാൽ തന്നെ ഒരുപാട് ബോഡി ഷെ മിങ് അനുഭവിച്ചിട്ടുണ്ടെന്ന് അധീവ ദുഖത്തോടെ നടിയും മോഡലുമായി തിളങ്ങിനിൽക്കുന്ന...

More Articles Like This