കുളത്തൂപ്പുഴ (കൊല്ലം): പ്രായപൂര്ത്തിയാകാത്ത പെണ്കുട്ടിയെ ലൈംഗിക ചൂഷണത്തിനു വിധേയയാക്കി ദൃശ്യങ്ങള് പകര്ത്തി വിറ്റ ദമ്പതികള് അറസ്റ്റില്. സാംനഗര് കാഞ്ഞിരോട്ടുകുന്നുംപുറത്ത് വിഷ്ണു ഭവനില് വിഷ്ണു (31), ഭാര്യ സ്വീറ്റി (20) എന്നിവരെയാണ് പൂനലൂര് പൊലീസ് അറസ്റ്റ് ചെയ്തത്. ചിത്രങ്ങളും വിഡിയോകളും 500 മുതല് 1500 രൂപ വരെ വിലയ്ക്കാണു വില്പന നടത്തിയതെന്ന് പൊലീസ്. ചിത്രങ്ങളും വിഡിയോകളും ഇന്സ്റ്റഗ്രമിലെ സര്വീസ് അക്കൗണ്ടിലൂടെ പോസ്റ്റ് ചെയ്തായിരുന്നു വില്പന.
ഇന്സ്റ്റഗ്രാമിലൂടെ പരിചയപ്പെട്ട സ്വീറ്റിയെ 2022 ജൂലൈ 14ന് ചെങ്ങന്നൂരിലെ വീട്ടില് നിന്നു വിഷ്ണു കൂട്ടിക്കൊണ്ടു വരികയായിരുന്നു. വീട്ടുകാരുമായി അകല്ച്ചയിലായതിനാല് വേറെ വഴിയില്ലാതെയാണു വിഷ്ണുവിന്റെ സമര്ദ്ദങ്ങള്ക്കു വഴങ്ങി വിഡിയോകള് എടുത്തതെന്നാണു സ്വീറ്റിയുടെ വാദം. വിഷ്ണു ഒട്ടേറെ ക്രിമിനല് കേസുകളില് പ്രതിയാണെന്നു പൊലീസ് പറഞ്ഞു. ചിത്രങ്ങളും വിഡിയോകളും അശ്ലീല സൈറ്റുകളില് അപ്ലോഡ് ചെയ്തതായും പൊലീസിനു സൂചന ലഭിച്ചു.
15 വയസ്സുള്ള പെണ്കുട്ടി സുഹൃത്തിനോടു പറഞ്ഞ വിവരം അധ്യാപകരിലൂടെ അറിഞ്ഞ ചൈല്ഡ് ലൈന് പ്രവര്ത്തകര് പൊലീസില് അറിയിക്കുകയായിരുന്നു. വാടകവീടിനു സമീപത്തെ പെണ്കുട്ടിയെ വീട്ടില് ട്യൂഷന് നല്കാനായെന്ന വ്യാജേന കൊണ്ടുവരുകയും പിന്നീടു നിരന്തരം ലൈംഗികമായി ചൂഷണം ചെയ്യുന്നതിന്റെ ചിത്രങ്ങളും വിഡിയോകളും വിഷ്ണു, ഭാര്യ സ്വീറ്റിയെ ഉപയോഗിച്ചാണു ചിത്രീകരിച്ചതെന്നു പൊലീസ് പറഞ്ഞു.