കൊച്ചി: പ്രശസ്ത സാഹിത്യകാരന് പ്രൊഫ. സിആര് ഓമനക്കുട്ടന് (80) അന്തരിച്ചു. ഹൃദയാഘാതം മൂലം കൊച്ചിയിലെ സ്വകാര്യ ആശുപത്രിയിലായിരുന്നു അന്ത്യം. മഹാരാജാസ് കോളേജിലെ അധ്യാപകനായിരുന്നു. കേരള സാഹിത്യ അക്കാഡമി അവാര്ഡ് ജേതാവാണ്. ചലച്ചിത്ര സംവിധായകന് അമല്നീരദ് മകനാണ്. നടി ജ്യോതിര്മയി മരുമകളാണ്.
ശ്രീഭൂതനാഥവിലാസം നായര് ഹോട്ടല് എന്ന ഹാസ്യ സാഹിത്യകൃതിക്കാണ് കേരള സാഹിത്യ അക്കാദമി പുരസ്കാരം നേടിയത്. ഇരുപതു വര്ഷത്തോളം ‘ദേശാഭിമാനി’യില് നടുക്കോളം എന്ന പക്തി എഴുതി. ജനശക്തി വാരികയിലും എഴുതിയിരുന്നു.
ഓമനക്കഥകള്, ഈഴവശിവനും വാരിക്കുന്തവും, അഭിനവശാകുന്തളവും, ശവംതീനികള്, കാല്പാട്, പരിഭാഷകള്, ഫാദര് ഡെര്ജിയസ്, ഭ്രാന്തന്റെ ഡയറി, കാര്മില, തണ്ണീര് തണ്ണീര് എന്നിവയാണ് പ്രധാന കൃതികള്. പെണ്ണമ്മ-രാഘവന് ദമ്പതികളുടെ മകനായി കോട്ടയത്ത് ജനിച്ചു. കൊച്ചിയിലെ വീടിന് ‘തിരുനക്കര’ എന്നായിരുന്നു പേര്.