വടകര : മുന് വടകര എം.എല്.എയും പ്രമുഖ സോഷ്യലിസ്റ്റ് നേതാവും എല്.ജെ.ഡി സംസ്ഥാന ഉപാധ്യക്ഷനുമായ അഡ്വ. എം.കെ പ്രേംനാഥ് (73)കോഴിക്കോട് സ്വകാര്യ ആശുപത്രിയില് വെച്ച് അന്തരിച്ചു. കുറച്ച് ദിവസങ്ങളായി പക്ഷാഘാതത്തെ തുടര്ന്ന് ചികിത്സയിലിരിക്കെ ഹൃദയാഘാതം സംഭവിക്കുകയായിരുന്നു. അഴിയൂര് സ്കൂള്, മടപ്പള്ളി ഗവ.കോളജ് എന്നിവിടങ്ങളിലായിരുന്നു വിദ്യാഭ്യാസം.വടകര എം.എല്. എ, വടകര റൂറല് ബാങ്ക് പ്രസിഡണ്ട് എന്നീ നിലകളില് പ്രവര്ത്തിച്ചിട്ടുണ്ട്.വിദ്യാര്ത്ഥി രാഷ്ട്രീയത്തിലൂടെ പൊതുരംഗത്ത് പ്രവര്ത്തിച്ച് സോഷ്യലിസ്റ്റ് പ്രസ്ഥാനത്തിന്റെ ജില്ലാ സംസ്ഥാന നേതാവായി പ്രവര്ത്തിച്ച പ്രേംനാഥ് മികച്ച അഭിഭാഷകന് കൂടിയായിരുന്നു. അടിയന്തിരാവസ്ഥ കാലത്ത് പോലീസിന്റെ ഭീകര മര്ദ്ദനത്തിന് വിധേയനായിരുന്നു. ലാളിത്യമാര്ന്ന പൊതുജീവിതത്തിലൂടെ സമൂഹത്തിലെ സാധാരണക്കാരായ ജനങ്ങളുമായി ആത്മബന്ധം പുലര്ത്തുകയും ചെയ്ത നേതാവായിരുന്നു അദ്ദേഹം.