കൊച്ചി: നടി ഹണി റോസിനെതിരെയുള്ള കേസിൽ ബോബി ചെമ്മണ്ണൂർ നൽകിയ ജാമ്യാപേക്ഷയിൽ ഉത്തരവ് മൂന്നരയ്ക്ക്. ബോബി ചെമ്മണ്ണൂരിന് ജാമ്യം അനുവദിക്കാമെന്ന് കോടതി വാക്കാൽ പറഞ്ഞു. ജാമ്യ ഉത്തരവ് ഉച്ചകഴിഞ്ഞ് 3.30 ന് പുറപ്പെടുവിക്കും. എന്തിനാണ് ബോബിയുടെ കസ്റ്റഡി തുടരാന് ആവശ്യപ്പെടുന്നതെന്ന് കോടതി ചോദിച്ചു. ജസ്റ്റിസ് പി വി കുഞ്ഞികൃഷ്ണന്റെ ബെഞ്ചാണ് ബോബിയുടെ ജാമ്യഹര്ജി പരിഗണിച്ചത്. ജാമ്യം നല്കിയാല് പരാതിക്കാരിയെ ഭീഷണിപ്പെടുത്താനും സാക്ഷികളെ സ്വാധീനിക്കാനും സാധ്യതയുണ്ടെന്നും തെളിവ് നശിപ്പിക്കുമെന്നാണ് പൊലീസിന്റെ വാദം. ബോബിക്കായി മുതിര്ന്ന അഭിഭാഷകന് ബി രാമന്പിള്ളയാണ് ഹാജരായത്.
ബോബിയുടെ ജാമ്യഹര്ജിയെ സര്ക്കാര് കോടതിയില് എതിര്ത്തു. ബോബി ചെമ്മണ്ണൂരിനെ കസ്റ്റഡിയില് വിടുന്നതെന്തിനെന്ന് കോടതി ചോദിച്ചു. പ്രതി നടിയെ തുടര്ച്ചയായി അപമാനിച്ചെന്നും നിരന്തരം അശ്ലീലപരാമര്ശം നടത്തിയെന്നും സർക്കാർ അഭിഭാഷകൻ മറുപടി നൽകി. ഈ സംഭവം സമൂഹത്തിന് ഒരു സന്ദേശമാകണമെന്നും പ്രോസിക്യൂഷന് പറഞ്ഞു. എന്നാല് പ്രതി റിമാന്ഡിലായപ്പോള് തന്നെ സമൂഹത്തിന് സന്ദേശം ലഭിച്ചുകഴിഞ്ഞെന്നാണ് കോടതി നൽകിയ മറുപടി. ആര്ക്കെതിരെ എന്തും സമൂഹമാധ്യമങ്ങളില് എഴുതാം എന്ന അവസ്ഥയാണെന്നും പ്രോസിക്യൂഷന് പറഞ്ഞു.
വ്യവസായി ബോബി ചെമ്മണൂരിന് ജാമ്യം. ജസ്റ്റിസ് പി വി കുഞ്ഞിക്കൃഷ്ണന്റെ ബെഞ്ചാണ് ബോബിയുടെ ജാമ്യാപേക്ഷ പരിഗണിച്ചത്. ജാമ്യ ഉത്തരവ് ഉച്ചകഴിഞ്ഞ് 3.30 ന് പുറപ്പെടുവിക്കുമെന്ന് ഹൈക്കോടതി വ്യക്തമാക്കി. വ്യാഴാഴ്ച മുതല് ബോബി ചെമ്മണൂര് കാക്കനാട് ജില്ലാ ജയിലിലാണ്.