കണ്ണൂര്: കണ്ണൂരില് ഹോട്ടല് ഉടമയെ കുത്തിക്കൊന്നു. സുഫി മക്കാനി ഹോട്ടല് ഉടമയായ ജംഷീറിനെയാണ് അക്രമികൾ കൊലപ്പെടുത്തിയത്. സംഭവുമായി ബന്ധപ്പെട്ട് രണ്ട് പേരെ പോലീസ് കസ്റ്റഡിയിലെടുത്തിട്ടുണ്ട്.
തിങ്കളാഴ്ച രാത്രി 12.40ഓടെയാണ് സംഭവം നടന്നത്. ഹോട്ടല് അടച്ച് കാറില് വീട്ടിലേക്ക് പോകുന്നതിനിടെ താഴെത്തെരു ഭാഗത്ത് വെച്ച് ജംഷീറിന്റെ കാര് തടഞ്ഞു നിര്ത്തുകയായിരുന്നു.
ഇത് ചോദ്യം ചെയ്തതിനെ തുടര്ന്നുണ്ടായ കയ്യേറ്റത്തിനിടെയാണ് ജംഷീറിനെ അക്രമികൾ കുത്തിയത്. ഉടന് തന്നെ ജില്ലാ ആശുപത്രിയിലെത്തിച്ചെങ്കിലും മരണം സംഭവിച്ചു. ആഴത്തില് മുറിവേറ്റതാണ് മരണകാരണമെന്നാണ് ഡോക്ടര്മാര് പറയുന്നത്.
ജംഷീറിന്റെ കൊലപാതകം ആസൂത്രിതമല്ലെന്നാണ് പോലീസ് പറയുന്നത്. കസ്റ്റഡിയിലുള്ള പ്രതികളെ ചോദ്യം ചെയ്യുന്നത് പൂര്ത്തിയായാല് മാത്രമേ കൂടുതല് വിവരങ്ങള് ലഭിക്കുകയുള്ളൂവെന്നും പോലീസ് കൂട്ടിച്ചേർത്തു.