കൊച്ചി: സിപിഎമ്മിന് പരാജയ ഭീതിയെന്ന ഉമാ തോമസ് .പി ടി തോമസിനായി ഭക്ഷണം മാറ്റിവെക്കുകയെന്നത് തന്റെ സ്വകാര്യതയാണെന്നും ഉമാ തോമസ് പറഞ്ഞു. ചിതയില് ചാടേണ്ടതിന് പകരം രാഷ്ട്രീയത്തില് ചാടിയെന്ന് പറഞ്ഞു. സൈബര് അധിക്ഷേപങ്ങള് അവജ്ഞയോടെ തള്ളുന്നുവെന്നും ഉമാ തോമസ് കൂട്ടിചേര്ത്തു.
ഞാന് സ്ഥാനാര്ത്ഥിയായപ്പോള് തന്നെ സ്ത്രീയെന്ന രീതിയിലുള്ള ആക്ഷേപം കേട്ട് കഴിഞ്ഞു. അതില് നിന്ന് തന്നെ പലപ്പോഴും പണ്ട് ഭര്ത്താവ് മരിച്ചാല് സ്ത്രീകള് ചിതയിലേക്ക് ചാടും. ഇപ്പോള് രാഷ്ട്രീയത്തിലേക്ക് ചാടുമെന്നാണ് പ്രചരിപ്പിച്ചു. അത്തരം സ്ത്രീകള് ഇവിടെ വേണ്ടേ. അവര് മുന്പന്തിയില് വരരുതെന്ന നിലപാടാണ് എല്ഡിഎഫിലുള്ളതെങ്കില് തിരുത്തപ്പെടണം.
പിടിക്ക് ഭക്ഷണം കൊടുക്കുന്നതിനെകുറിച്ചാണ് മറ്റൊരു ചര്ച്ച. അതെന്റെ സ്വകാര്യതയാണ്. ആ ഭക്ഷണം ഏര്പ്പാട് ചെയ്ത് തരാന് ഞാന് ആരോടും പറഞ്ഞിട്ടില്ല. എന്റെ പി ടിക്ക് വേണ്ടി ഞാന് ചെയ്യുന്ന കാര്യമാണ്. അതില് ഒരാളും ഇടപെടേണ്ട. അതില് ഇടപെടുന്നത് എനിക്ക് ഇഷ്ടവുമല്ല. പരാജയഭീതിയാണ് ഇതിന് പിന്നില്. അധപതിച്ച പ്രവര്ത്തനമാണ് നടത്തികൊണ്ടുപോവുന്നത്. അവരോട് ലജ്ജ തോന്നുന്നു. സ്ത്രീകള് അപമാനിക്കപ്പെടേണ്ടവരല്ല. അര്ഹിക്കുന്ന അവഞ്ജയോടെ തള്ളികളയുകയാണ് പ്രചാരണമാണ് എന്നും ഉമ.