പട്ന: ഭര്ത്താവ് ഇല്ലാത്ത സമയത്ത് വീട്ടില് അതിക്രമിച്ചു കയറി പീഡിപ്പിക്കാന് ശ്രമിച്ചയാളുടെ ജനനേന്ദ്രിയം ബ്ലേഡ് കൊണ്ട് മുറിച്ച് യുവതി. 27-കാരനായ പ്രതിയെ പോലീസ് അറസ്റ്റ് ചെയ്ത് ആശുപത്രിയില് പ്രവേശിപ്പിച്ചു. ബിഹാറിലെ പട്നയിലെ ബാങ്ക ജില്ലയിലാണ് സംഭവം.
വെള്ളിയാഴ്ച രാത്രി യുവതി കിടന്നുറങ്ങുന്ന സമയത്ത് വീടിന്റെ മുകള് നിലയില് കൂടി 27-കാരന് അതിക്രമിച്ചു കടക്കുകയായിരുന്നു. തുടര്ന്ന് യുവതിയെ പീഡിപ്പിക്കാന് ശ്രമിച്ചു. ചെറുത്തു നില്ക്കാന് സാധിക്കാതെ വന്നപ്പോള് തൊട്ടടുത്തുള്ള ഷേവിംഗ് ബ്ലേഡ് ഉപയോഗിച്ച് യുവാവിന്റെ ജനനേന്ദ്രിയം മുറിക്കുകയായിരുന്നു. തുടര്ന്ന് പുറത്തേക്ക് ഓടിയ യുവതി ബഹളം വെച്ച് നാട്ടുകാരെ വിളിച്ചു കൂട്ടി. സംഭവ സ്ഥലത്തേക്ക് നാട്ടുകാര് ഓടിയെത്തിയെങ്കിലും പ്രതി സ്ഥലത്ത് നിന്ന് കടന്ന് കളഞ്ഞിരുന്നു. തുടര്ന്ന് നടത്തിയ തിരച്ചിലില് പോലീസും നാട്ടുകാരും ചേര്ന്ന് ഇയാളെ പിടികൂടി.