മലയാള സിനിമയില് താരങ്ങളുടെ മക്കള് അച്ഛനമ്മമാരുടെ പാത പിന്തുടര്ന്ന് വരികയാണ്. ഡാന്സ് വീഡിയോകളും മറ്റും പങ്കുവച്ച് സോഷ്യല് മീഡിയയില് സജീവമാണ് മീനാക്ഷി ദിലീപ്. അതുകൊണ്ട് തന്നെ മീനാക്ഷിയുടെ സിനിമ പ്രവേശനം ആരാധകര് പ്രതീക്ഷിക്കുന്നുണ്ട്. അതേസമയം അഭിനയത്തിലേക്ക് വരാന് തയ്യാറായി നില്ക്കുന്നയാളാണ് ജയറാമിന്റെ മകള് മാളവിക എന്ന ചക്കി.
സിനിമയിലേക്ക് എത്തിയിട്ടില്ലെങ്കിലും അടുത്ത സുഹൃത്തുക്കളാണ് മാളവികയും മീനാക്ഷിയും. മീനാക്ഷിയുമായുള്ള സൗഹൃദത്തെ കുറിച്ച് മാളവിക പലപ്പോഴും വാചാലയായിട്ടുണ്ട്. ഒരിക്കല് ഇന്ത്യ ഗ്ലിറ്റ്സിന് നല്കിയ അഭിമുഖത്തില് മീനാക്ഷിയെ കുറിച്ച് മാളവിക സംസാരിച്ചിരുന്നു. ആ വാക്കുകള് ഇപ്പോള് വീണ്ടും ശ്രദ്ധനേടുകയാണ്.
മീനാക്ഷി തനിക്ക് ബേബി സിസ്റ്ററിനെ പോലെയാണെന്നാണ് മാളവിക പറയുന്നത്. ചെറുപ്പം മുതലേ മീനൂട്ടിയെ അറിയാം. ദിലീപ് അങ്കിളിനൊപ്പം വീട്ടില് വരാറുണ്ടായിരുന്നു. അവള് ചെന്നൈയിലേക്ക് എം ബി ബി എസ് പഠനത്തിനായി വന്നതിന് ശേഷം ഞങ്ങള് ഒരുമിച്ച് കറങ്ങാനൊക്കെ പോകാറുണ്ട്. ഞാന് അവളെ ഹോസ്റ്റലിന്റെ മതില് ചാടിക്കും, ദിലീപ് അങ്കിള് എന്നെ വിളിച്ച് വഴക്കു പറയും. പിന്നെ അവളെ തിരിച്ച് ഹോസ്റ്റലില് കൊണ്ടു ചെന്നാക്കും. അങ്ങനെ കുറച്ച് കലാപരിപാടികള് തങ്ങള്ക്കിടയില് ഉണ്ടാകാറുണ്ടെന്നും മാളവിക പറയുന്നു.