മാധ്യമപ്രവര്‍ത്തകനെ വീട്ടിക്കയറി വെടിവച്ച് കൊന്നു; വെടിവച്ചത് നാലംഗസംഘം; കൊലപാതകത്തിന് പിന്നിലെ കാരണം വ്യക്തമല്ല; സംഭവം ബിഹാറില്‍

പട്‌ന: ബിഹാറിലെ അരാറയില്‍ മാധ്യമപ്രവര്‍ത്തകനെ വെടിവച്ച് കൊന്നു. ദൈനിക് ജാഗരണ്‍ പത്രത്തിലെ ബിമല്‍കുമാര്‍ യാദവാണ് കൊല്ലപ്പെട്ടത്.

രാവിലെ ഏഴുമണിയോടു കൂടി റാണിഗഞ്ചിലെ മാധ്യമപ്രവര്‍ത്തകന്റെ വീട്ടിലെത്തിയ നാലംഗസംഘം ബിമല്‍കുമാറിന് നേരെ വെടിയുതിര്‍ക്കുകയായിരുന്നു. ബിമല്‍കുമാര്‍ സംഭവസ്ഥലത്തുവച്ചുതന്നെ മരിച്ചു. കൊലപാതകത്തിന് പിന്നിലെ കാരണം വ്യക്തമല്ല.