കൊച്ചി: ആലുവയില് അഞ്ചു വയസ്സുകാരി ബലാത്സംഗത്തിനിരയായി കൊല ചെയ്യപ്പെട്ട സംഭവത്തില് നിര്ണായക വെളിപ്പെടുത്തല് പുറത്ത്. കേസിലെ പ്രതി അസഫാക് ആലം നേരത്തെയും പീഡനക്കേസില് പ്രതിയാണ്. 10 വയസ്സുള്ള പെണ്കുട്ടിയെ പീഡിപ്പിക്കാന് ശ്രമിച്ചതിന്റെ പേരില് ഇയാള് ജയിലിലായിരുന്നു. 2018 ല് ഇയാളെ ഗാസിപൂര് പൊലീസ് അറസ്റ്റ് ചെയ്തിരുന്നു. ഡല്ഹിയില് ഒരു മാസം തടവില് കഴിഞ്ഞശേഷം ജാമ്യത്തിലിറങ്ങി മുങ്ങുകയായിരുന്നു.
അസ്ഫാക്കിനെ തിരിച്ചറിഞ്ഞതായി പ്രധാന സാക്ഷിയായ താജുദ്ദീന് തിരിച്ചറിയല് പരേഡിന് ശേഷം മാധ്യമങ്ങളോട് പറഞ്ഞിരുന്നു. കുഞ്ഞുമായി പ്രതി ആലുവ മാര്ക്കറ്റിലേക്ക് പോകുന്നത് താജുദ്ദീന് കണ്ടിരുന്നു. ആരുടെ കുഞ്ഞാണിതെന്നും എന്തിനാണ് മാര്ക്കറ്റിലേക്ക് വന്നതെന്നും ചോദിച്ച് താജുദ്ദീന് പ്രതിയെ ചോദ്യം ചെയ്യുകയുമുണ്ടായി. എന്നാല് തന്റെ കുഞ്ഞാണെന്നും മദ്യപിക്കാന് വന്നതാണെന്നുമായിരുന്നു പ്രതിയുടെ മറുപടി.