ബീഹാറിലെ നവാഡ ജില്ലയില്‍ ഭാര്യയെ കാമുകന് വിവാഹം ചെയ്തു നല്‍കിയിരിക്കുകയാണ് യുവാവ്. ഭര്‍ത്താവ് ജോലിക്ക് പോയ സമയം രാത്രി വൈകി കാമുകനെ കാണാന്‍ യുവതി പോയതോടെയാണ് സംഭവം പുറത്തറിയുന്നത്. നിര്‍ഭാഗ്യവശാല്‍, മുന്‍കാലങ്ങളില്‍ നിന്ന് വ്യത്യസ്തമായി ദമ്പതികളെ കുടുംബാംഗങ്ങള്‍ കൈയോടെ പിടികൂടുകയായിരുന്നു. ശേഷം കാമുകനെ ക്രൂരമായി മര്‍ദിക്കുകയും ഇരുവരെയും ബന്ദികളാക്കുകയും ചെയ്തു. പ്രകോപിതരായ ഗ്രാമീണര്‍ ഇരുവരോടും ഗ്രാമം വിട്ടുപോകാന്‍ പോലും ആവശ്യപ്പെട്ടതായി ഇന്ത്യാ ടുഡേ റിപ്പോര്‍ട്ട് ചെയ്യുന്നു.
സംഭവമറിഞ്ഞ് യുവതിയുടെ ഭര്‍ത്താവ് തിരികെയെത്തുകയും ഇവരെ ക്ഷേത്രത്തില്‍ കൊണ്ടുപോയി വിവാഹം കഴിപ്പിച്ചു. യുവതിയുടെ കാമുകന് വിവാഹിതനും മൂന്ന് കുട്ടികളുടെ പിതാവുമാണ്. ശിവക്ഷേത്രത്തില്‍ ഭര്‍ത്താവിന്റെ സാന്നിധ്യത്തില്‍ ദമ്പതികള്‍ വിവാഹിതരാകുന്നതിന്റെ വീഡിയോ സോഷ്യല്‍ മീഡിയയില്‍ വൈറലാകുന്നുണ്ട്.