വിദേശത്ത് നിന്നെത്തിയ ഉടനെ ഗവർണറെ കണ്ട് മുഖ്യമന്ത്രി ; രക്ഷപെടാൻ ഗവർണർ തന്നെ കനിയണം !!!

Must Read

വിദേശത്ത് നിന്നും മടങ്ങിയെത്തിയ മുഖ്യമന്ത്രി പിണറായി വിജയന്‍ രാജ്ഭവനിലെത്തി ഗവര്‍ണറെ കണ്ടു. ലോകായുക്ത ഓര്‍ഡിനന്‍സ് തീരുമാനമാകാതെ നിൽക്കുന്ന അവസരത്തിലാണ് മുഖ്യമന്ത്രി ഗവർണറെ കണ്ടത്. ലോകായുക്ത ഓര്‍ഡിനന്‍സില്‍ ഗവര്‍ണര്‍ ഒപ്പിടാത്ത സാഹചര്യത്തിലാണ് മുഖ്യമന്ത്രി അദ്ദേഹത്തെ നേരില്‍കണ്ട് സര്‍ക്കാര്‍ നിലപാട് വിശദീകരിച്ചത്.

Herald News TV വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group 1 | Whatsapp Group 2 | Telegram Group | Google News ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക

വിദേശത്തുനിന്ന് മടങ്ങിയെത്തിയ ദിവസം തന്നെ പ്രശ്നപരിഹാരത്തിന് മുഖ്യമന്ത്രി ഗവര്‍ണറെ കണ്ടത് ഇരുവര്‍ക്കുമിടയിലെ മഞ്ഞുരുകുന്നതിന്‍റെ സൂചനയാണ്. ഇന്നലെ വൈകിട്ട് അഞ്ചിന് തലസ്ഥാനത്ത് മടങ്ങിയെത്തിയ മുഖ്യമന്ത്രി ഒരുമണിക്കൂറിനുശേഷം തന്നെ രാജ്ഭവനിലെത്തി.

കൂടിക്കാഴ്ച ഒരുമണിക്കൂറോളം നീണ്ടു. ലോകായുക്ത ഓര്‍ഡിനന്‍സ് ഇറക്കാനിടയായ സാഹചര്യം മുഖ്യമന്ത്രി വിശദീകരിച്ചു. നിലവിലെ ലോകായുക്ത നിയമം ഭരണഘടനാ വിരുദ്ധമായതിനാല്‍ ഭേഗദതി വേണമെന്നാണ് സര്‍ക്കാര്‍ നിലപാട്. നേരത്തെ ഗവര്‍ണര്‍ നല്‍കിയ കത്തിന് സര്‍ക്കാര്‍ ഇക്കാര്യങ്ങള്‍ വിശദീകരിച്ച് മറുപടി നല്‍കിയിരുന്നു.

ഓര്‍ഡിനന്‍സിന്‍റെ കാര്യത്തില്‍ ഇന്ന് ഗവര്‍ണര്‍ തീരുമാനമെടുക്കാനാണ് സാധ്യത. ഡി–ലിറ്റ്, കണ്ണൂര്‍ യൂണിവേഴ്സിറ്റി വിവാദത്തില്‍ ഗവര്‍ണര്‍ സര്‍ക്കാരുമായി ഇടഞ്ഞതിനുശേഷം ഇതാദ്യമായാണ് മുഖ്യമന്ത്രി രാജ്ഭവനില്‍ എത്തി അദ്ദേഹത്തെ കാണുന്നത്.

മുഖ്യമന്ത്രി നേരിട്ട് ഗവര്‍ണര്‍ക്ക് വിശദീകരണം നല്‍കിയ സാഹചര്യത്തില്‍ നാളെത്തന്നെ അദ്ദേഹം ഓര്‍ഡിനന്‍സില്‍ ഒപ്പുവയ്ക്കുമെന്നുമാണ് സര്‍ക്കാരിന്‍റെ പ്രതീക്ഷ. അങ്ങനെയെങ്കില്‍ ബുധനാഴ്ച ചേരുന്ന മന്ത്രിസഭായോഗം നിയമസഭാ സമ്മേളനം വിളിക്കാന്‍ ഗവര്‍ണറോട് ശുപാര്‍ശ ചെയ്യും.

സര്‍വകലാശാല വിവാദങ്ങളില്‍ അയഞ്ഞ ഗവര്‍ണര്‍ ചാന്‍സലറുടെ ചുമതലനിര്‍വഹിച്ച് തുടങ്ങിയിരുന്നു. അതിന് പിന്നാലെയാണ് സര്‍ക്കാരിനെ വെട്ടിലാക്കി ഗവര്‍ണര്‍ ലോകായുക്ത ഓര്‍ഡിനന്‍സ് ഒപ്പിടാതെ പിടിച്ചുവച്ചത്. മുഖ്യമന്ത്രിക്കും ഉന്നതവിദ്യാഭ്യാസ മന്ത്രിക്കുമെതിരായ പരാതി ലോകായുക്ത പരിഗണിക്കുന്ന സാഹചര്യത്തില്‍ ഓര്‍ഡിനന്‍സിന് പിന്നിലുള്ളത് രാഷ്ട്രീയ താല്‍പര്യമാണെന്ന് പ്രതിപക്ഷം ഗവര്‍ണറോട് പരാതിപ്പെട്ടിരുന്നു.

Latest News

കേരളം സർക്കാർ പരാജയമെന്ന് സിപിഎം!..വിഴിഞ്ഞത്ത് കേന്ദ്രസേന വരുന്നതിനെ സ്വാഗതം ചെയ്‌തുകൊണ്ട് പാർട്ടി.കണ്ണുരുട്ടി പേടിപ്പിക്കാൻ ശ്രമമെന്ന് ലത്തീൻ അതിരൂപത

തിരുവനന്തപുരം: കേരളത്തിലെ പിണറായി സർക്കാരിന്റെ ആഭ്യന്തര വകുപ്പ് പരാജയമെന്ന് സമ്മതിച്ച് സിപിഎം. വിഴിഞ്ഞം സമരത്തെ നേരിടാൻ ആഭ്യന്തര വകുപ്പിന് കഴിവില്ല എന്ന് പരോക്ഷമായി സമ്മതിക്കുന്നതാണ് കേന്ദ്ര...

More Articles Like This