ഹൈദരാബാദ്: തെലങ്കാനയില് എട്ടുവയസുകാരിയെ അച്ഛന് ബ്ലേഡ് ഉപയോഗിച്ച് കഴുത്തുമുറിച്ച് കൊലപ്പെടുത്തി. ഭാവി ജീവിതത്തില് കഷ്ടപ്പാടുകള് നേരിടേണ്ടി വരുമെന്ന് ജാതകത്തില് പറഞ്ഞിരുന്നത് വിശ്വസിച്ചാണ് അച്ഛന് ക്രൂരകൃത്യം ചെയ്തതെന്ന് പൊലീസ് പറയുന്നു.
സ്കൂള് വിട്ട് കുട്ടി വീട്ടില് എത്താതിരുന്നതിനെ തുടര്ന്ന് നടത്തിയ അന്വേഷണത്തിലാണ് നാടിനെ നടുക്കിയ സംഭവം പുറംലോകം അറിഞ്ഞത്. ഓഗസ്റ്റ് 18നാണ് കുട്ടിയെ കാണാതായത്. അന്ന് വൈകീട്ട് എട്ടുവയസുകാരിയെ അച്ഛന് ചന്ദ്രശേഖര് കാറില് കൂട്ടിക്കൊണ്ടുപോയതായി അന്വേഷണത്തില് കണ്ടെത്തുകയായിരുന്നുവെന്ന് പൊലീസ് പറയുന്നു.
കുട്ടിയെ കാണാതായ ദിവസം ചന്ദ്രശേഖര് ഫോണ് സ്വിച്ച് ഓഫ് ചെയ്തു. കുറ്റം മറയ്ക്കുന്നതിന് മൃതദേഹം ഉപേക്ഷിക്കാന് ഉചിതമായ സ്ഥലം തേടി ചന്ദ്രശേഖര് കാറില് ചുറ്റി നടന്നു. അതിനിടെ രാത്രിയില് ചന്ദ്രശേഖറിന്റെ കാറിന്റെ ടയര് പഞ്ചറായി. കാറില് മൃതദേഹവും ചന്ദ്രശേഖറിന്റെ ദേഹത്ത് രക്തക്കറയും സഹായിക്കാന് എത്തിയ വഴിയാത്രക്കാരന്റെ ശ്രദ്ധയില്പ്പെട്ടു. ഉടന് തന്നെ വഴിയാത്രക്കാരന് പൊലീസില് വിവരം അറിയിക്കുകയായിരുന്നു.