ട്രെക്കിങ്ങിനിടെയുള്ള അപകടങ്ങൾ വർദ്ധിക്കുന്നു !!. പാറയിടുക്കില്‍ 19 കാരൻ കുടുങ്ങി, രക്ഷയ്ക്കെത്തി വ്യോമസേന

Must Read

നന്ദിഹില്‍സില്‍ ട്രെക്കിങ്ങിനിടെ 19 കാരൻ കാല്‍വഴുതിവീണ് പാറയിടുക്കില്‍ കുടുങ്ങി. അപകടത്തിൽപ്പെട്ട എന്‍ജിനിയറിങ് വിദ്യാര്‍ഥിയായ ഡല്‍ഹി സ്വദേശി നിഷാങ്കിനെ വ്യോമസേനയുടെ ഹെലികോപ്റ്റര്‍ ഉപയോഗിച്ച് രക്ഷപ്പെടുത്തിയത്.

Herald News TV വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group 1 | Whatsapp Group 2 | Telegram Group | Google News ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക

300 അടി താഴ്ചയിലാണ് യുവാവ് കുടുങ്ങിയത്. ഞായറാഴ്ച രാവിലെയാണ് യുവാവ് ട്രെക്കിങ് ആരംഭിച്ചത്. ഇതിനിടെ കാല്‍ വഴുതിവീണു. യുവാവുതന്നെയാണ് പാറയിടുക്കില്‍ കുടുങ്ങിയ കാര്യം ഫോണില്‍ പോലീസിനെയും വീട്ടുകാരെയും അറിയിച്ചത്.

ഉടനെ ഡിവൈ.എസ്.പി. വാസുദേവിന്റെ നേതൃത്വത്തില്‍ തിരച്ചില്‍ ആരംഭിക്കുകയായിരുന്നു. പിന്നീട് വ്യോമസേനയുടെ സഹായം തേടി. ഹെലികോപ്റ്ററില്‍നിന്ന് കയര്‍വഴി കമാന്‍ഡോ താഴെയെത്തിയാണ് യുവാവിനെ രക്ഷപ്പെടുത്തിയത്.

പോലീസും സംസ്ഥാന, കേന്ദ്ര ദുരന്തനിവാരണ സേനയും വ്യോമസേനയും രക്ഷാപ്രവര്‍ത്തനത്തില്‍ പങ്കാളികളായി. ബെംഗളൂരു പി.ഇ.എസ്. സര്‍വകലാശാലയിലെ വിദ്യാര്‍ഥിയായ നിശാങ്കിനെ പരിക്കുകളോടെ ആശുപത്രിയില്‍ പ്രവേശിപ്പിച്ചു.

കൂമ്പാച്ചി മലയില്‍ ബാബു അപകടത്തിൽപ്പെട്ടതിന് സമാനമായ സംഭവമാണ് കര്‍ണാടകയിലെ നന്ദി ഹില്‍സിലും നടന്നത്. പാലക്കാട് ചെറാട് കുമ്പാച്ചി മലയിലെ പാറയിടുക്കില്‍ കുടുങ്ങിയ ബാബുവിനെ 43 മണിക്കൂറുകള്‍ക്ക് ശേഷമാണ് സൈന്യം രക്ഷിച്ചത്.

Latest News

മുഖ്യമന്ത്രിയെ അപകീര്‍ത്തിപ്പെടുത്തി; ക്രൈം നന്ദകുമാര്‍ അറസ്റ്റില്‍..

കൊച്ചി: മുഖ്യമന്ത്രി പിണറായി വിജയനെതിരെ അപകീര്‍ത്തിപ്പെടുത്തിക്കൊണ്ട് വീഡിയോ സമൂഹമാധ്യമങ്ങളിലൂടെ പ്രചരിപ്പിച്ചെന്ന കേസില്‍ ക്രൈം പത്രാധിപര്‍ നന്ദകുമാറിനെ പൊലീസ് അറസ്റ്റ് ചെയ്തു. എളമക്കര സ്വദേശി നല്‍കിയ പരാതിയിലാണ്...

More Articles Like This