കോഴിക്കോട്: കോഴിക്കോട് പേരാമ്പ്രയിൽ ഷാഫി പറമ്പിൽ എംപിയുടെ രണ്ടമത്തെ നാടകമെന്ന് സിപിഎം നേതാവ് പി പി ദിവ്യ .കോൺഗ്രസ് പൊലീസ് സംഘര്ഷമെന്നതും ഷാഫിക്ക് പരുക്ക് പറ്റിയതും സൂചിപ്പിച്ചുള്ള പോസ്റ്റിൽ ആണ് ഇത് വ്യക്തമാക്കിയിരിക്കുന്നത് .കേരളത്തെ കലാപ ഭൂമി ആക്കാൻ ഷാഫിയുടെ പൊറാട്ട് നാടകം എന്നും കൂടെയുള്ള പ്രവർത്തകർ തന്നെ ഷാഫിയുടെ മുഖത്തടിച്ചു എന്നുംപി പി ദിവ്യ ഫെയ്സ്ബുക്കിൽ ഫോട്ടോഷോപ്പിലൂടെ പറയുന്നു .
ഇന്ന് പേരാമ്പ്രയിൽ പൊലീസ് ലാത്തിച്ചാർജ് നടത്തുകയും ഗ്രനേഡ് പ്രയോഗിക്കുകയും ചെയ്തു. ഷാഫി പറമ്പിൽ എംപിക്കും ഡിസിസി പ്രസിഡന്റ് പ്രവീൺ കുമാറിനും അടക്കം കോൺഗ്രസ് പ്രവർത്തകർക്ക് പരിക്കേട്ടിരുന്നു . ഷാഫി പറമ്പിലിന്റെ മൂക്കിനാണ് പരിക്കേറ്റത്. ഡിവൈഎസ്പി ഹരിപ്രസാദിനും പത്തോളം പൊലീസുകാർക്കും പരിക്കേറ്റു. ഡിവൈഎസ്പിയുടെ കൈക്കാണ് പരിക്കേറ്റത്. ഈ വിഷയം ഷാഫിയുടെ നാടകം എന്നാണ് പിപി ദിവ്യ പറയുന്നത് .
പേരാമ്പ്ര സികെജെ കോളേജില് ചെയര്മാന് സ്ഥാനം വിജയിച്ചതിലുള്ള യുഡിഎസ്എഫിന്റെ വിജയാഹ്ലാദപ്രകടനം പൊലീസ് തടഞ്ഞതിനെ തുടര്ന്ന് പേരാമ്പ്രയില് കഴിഞ്ഞ ദിവസം സംഘര്ഷം ഉണ്ടായിരുന്നു. ഇതില് യുഡിഎസ്എഫ് പ്രവര്ത്തകര്ക്ക് പരിക്കേറ്റിരുന്നു. ഇതേ തുടര്ന്ന് പേരാമ്പ്രയില് യുഡിഎഫ് ഹര്ത്താല് പ്രഖ്യാപിച്ചിരുന്നു. ഇതിന്റെ ഭാഗമായി ഇന്ന് യുഡിഎഫ് പ്രകടനം നടത്താന് തീരുമാനിച്ചിരുന്നു.
കോളേജ് യൂണിയന് തെരഞ്ഞെടുപ്പുമായി ബന്ധപ്പെട്ട തര്ക്കത്തെ തുടര്ന്ന് ഇന്ന് പേരാമ്പ്രയില് യുഡിഎഫ് ഹര്ത്താല് പ്രഖ്യാപിച്ചിരുന്നു. ഇരു വിഭാഗങ്ങളും ഇന്ന് വൈകിട്ട് പേരാമ്പ്രയില് മാര്ച്ച് നടത്തുന്നതിനിടെയാണ് സംഘര്ഷമുണ്ടായത്. പൊലീസും കോൺഗ്രസ് പ്രവർത്തകരും ഏറ്റുമുട്ടി. പൊലീസ് ലാത്തി വീശി തുടർന്ന് പൊലീസ് കണ്ണീർ വാതകം പ്രയോഗിച്ചു.