ബോളിവുഡ് താരങ്ങളായ അഭിഷേക് ബച്ചന്റെയും ഐശ്വര്യ റായുടെയും മകളായ ആരാധ്യയുടെ സ്കൂള് ഫീസിനെക്കുറിച്ചുള്ള വിവരമാണിപ്പോള് പുറത്ത് വരുന്നത്. മുംബൈയിലെ ഏറ്റവും വലിയ പ്രമുഖരുടെ മക്കള് പഠിക്കുന്ന ധീരു ഭായ് അംബാനി ഇന്ര്നാഷണല് സ്കൂളിലാണ് ആരാധ്യ പഠിക്കുന്നത്. ഒരു ലക്ഷം രൂപ മുതല് പത്ത് ലക്ഷം രൂപവരെ നീളുന്നതാണ് ഈ സ്കൂളിലെ ഫീസ്. എല്കെജി മുതല് ഏഴാം ക്ലാസ് വരെ ഒരു വര്ഷത്തേക്ക് 1.70 ലക്ഷം രൂപയാണ് ഫീസ്. എട്ടാം ക്ലാസ് മുതല് പത്താം ക്ലാസ് വരെ ഒരു വര്ഷത്തേക്ക് 4.48 ലക്ഷം രൂപ നല്കണം. പ്ലസ് വണ്, പ്ലസ് ടു പഠനത്തിന് 9.65 ലക്ഷം രൂപയാണ് വാര്ഷിക ഫീസ്. ആറാം ക്ലാസുകാരിയാണ് ആരാധ്യ.
ആരാധ്യയെക്കൂടാതെ ബി ടൗണിലെ മറ്റ് താരങ്ങളുടെ മക്കളും ഈ സ്കൂളിലാണ് പഠിക്കുന്നത്. ഷാരൂഖ് ഖാന്റെ മകന് അബ്രാം, കരീന കപൂറിന്റെ മകന് തൈമൂര് അലി ഖാന്, കരിഷ്മ കപൂറിന്റെ മകള് സമൈറ തുടങ്ങി താരകുടുംബത്തിലെ കുട്ടികളുടെ വലിയൊരു നിര തന്നെ ഈ സ്കൂളില് പഠിക്കുന്നുണ്ട്.