വ്യാജ തിരിച്ചറിയല് കാര്ഡ് വിവാദത്തില് യൂത്ത് കോണ്ഗ്രസ് സംസ്ഥാന അധ്യക്ഷന് രാഹുല് മാങ്കൂട്ടത്തിലിന്റെ വിശ്വസ്തരായ അടൂരിലെ കൂടുതല് യൂത്ത് കോണ്ഗ്രസ് നേതാക്കള് ഒളിവില്. യൂത്ത് കോണ്ഗ്രസ് വ്യാജരേഖ കേസില് സംസ്ഥാന അധ്യക്ഷന് രാഹുല് മാങ്കൂട്ടത്തിലിന്റെ വിശ്വസ്തരായ നാല് പേര് കസ്റ്റഡിയിലായതോടെയാണ് യൂത്ത് കോണ്ഗ്രസ് നേതാക്കള് ഒളിവില് പോയത്.
അഭി വിക്രമിന്റെ ഫോണ്, ബിനിലിന്റെ ലാപ് ടോപ് എന്നിവിടങ്ങളില് നിന്ന് വ്യാജ തിരിച്ചറിയല് കാര്ഡുകള് കണ്ടെത്തിയിരുന്നു. പിടിച്ചെടുത്ത കാര്ഡുകള് തെരഞ്ഞെടുപ്പ് കമ്മീഷനെ കാണിച്ച് വ്യാജമെന്ന് ഉറപ്പിച്ച ശേഷം തുടര്നടപടിയെന്നും പൊലീസ് വ്യക്തമാക്കി.
യൂത്ത് കോണ്ഗ്രസ് തെരഞ്ഞെടുപ്പിന് വ്യാജ തിരിച്ചറിയല് കാര്ഡ് ഉപയോഗിച്ച കേസില് നടപടികള് കടുപ്പിക്കുകയാണ് പൊലീസ്. ഡിവൈഎഫ്ഐ നേതാക്കള് നേരിട്ടു നല്കിയ പരാതിയിലാണ് പൊലീസ് അന്വേഷണം തുടങ്ങിയത്.