കണ്ണൂർ ശ്രീകണ്ഠാപുരം സ്വദേശിയെ ഖത്തറിൽ മരിച്ച നിലയിൽ കണ്ടെത്തി.

ദോഹ: മലയാളിയെ മരിച്ച നിലയിൽ കണ്ടെത്തി .ഖത്തറിലെ താമസ സ്ഥലത്ത്  ആണ്  യുവാവിനെ മരിച്ച നിലയിൽ കണ്ടെത്തി. മൃതദേഹത്തിന്​ മൂന്ന്​ ദിവസത്തോളം പഴക്കമുണ്ടെന്നാണ്​ സൂചന. കണ്ണൂർ ശ്രീകണ്ഠാപുരം സ്വദേശി അരിയങ്ങോട്ട്​ സുധീഷാണ്​ മരിച്ചത്​. ​

ശനിയാഴ്ച വൈകുന്നേരത്തോടെയാണ്​​ ഐൻഖാലിദിലെ താമസ സ്ഥലത്ത്​ മരിച്ച നിലയിൽ കണ്ടെത്തിയത്​.തനിച്ച്​ താമസിക്കുന്ന സുധീഷിനെ കുറിച്ച് കഴിഞ്ഞ ഏതാനും ദിവസങ്ങളായി വിവരമൊന്നും ലഭിച്ചിരുന്നില്ല. മുറിയിൽ നിന്ന് ദുർഗന്ധം വമിച്ചതിനെ തുടർന്ന് വിവരമറിയിച്ചതിനാൽ പോലീസ് എത്തി മുറി തുറന്നപ്പോഴാണ് മൃതദേഹം കണ്ടെത്തിയെന്നാണ്​ വിവരം. മൃതദേഹം ഹമദ് ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.ഐ.ടി വിദഗ്ധനായ സുധീഷ് ഖത്തറിലെ സലാം ടെക്‌നോളജി, ഖത്തർ ഫൗണ്ടേഷൻ ഉൾപെടെ നിരവധി സ്ഥാപനങ്ങളിൽ ജോലി ചെയ്തിട്ടുണ്ട്.