ബോസ്റ്റണ്: ടൈറ്റന് സമുദ്ര പേടകത്തിന്റെ അവശിഷ്ടങ്ങളില് നിന്ന് മനുഷ്യാവശിഷ്ടം കണ്ടെത്തിയതായി യുഎസ് കോസ്റ്റ് ഗാര്ഡ് .ടൈറ്റാനിക്കിന്റെ അവശിഷ്ടങ്ങള് കാണാന് പോയവര് സഞ്ചരിച്ച പേടകം യാത്രക്കിടെ തകരുകയായിരുന്നു. അപകടത്തിന് പിന്നാലെ നടത്തിയ തിരച്ചിലില് കണ്ടെത്തിയ അവശിഷ്ടങ്ങളാണ് തീരത്തെത്തിച്ചത്. ജൂണ് 18നാണ് സമുദ്രപേടകം പൊട്ടിത്തെറിച്ച് അപകടമുണ്ടായത്. പേടകത്തില് സഞ്ചരിച്ച അഞ്ച് പേരും മരിച്ചതായി യുഎസ് കോസ്റ്റ് ഗാര്ഡ് അറിയിച്ചിരുന്നു.
ടൈറ്റാനിക്കിന്റെ അവശിഷ്ടങ്ങള് കിടക്കുന്ന സ്ഥലത്തുനിന്ന് 1600 അടി അകലെയാണ് ടൈറ്റന്റെ അവശിഷ്ടങ്ങള് കണ്ടെത്തിയത് എന്നാണ് കോസ്റ്റ് ഗാര്ഡ് അറിയിച്ചത്. അപകടത്തെപ്പറ്റി യുഎസ്, കാനഡ, ഫ്രാന്സ്, യുകെ എന്നീ രാജ്യങ്ങളാണ് സംയുക്തമായി അന്വേഷണം നടത്തുന്നത്. മരിച്ചവര്ക്കായി തുടര്ച്ചയായി അഞ്ച് ദിവസം നടത്തിയ തിരച്ചില് അവസാനിപ്പിച്ചതായും കോസ്റ്റ് ഗാര്ഡ് അറിയിച്ചു.