നടിയെ തട്ടികൊണ്ടുപോയി ആക്രമിച്ച കേസിലെ രണ്ടാം പ്രതി മാര്‍ട്ടിന്‍ ആന്റണിക്ക് സുപ്രീം കോടതി ജാമ്യം അനുവദിച്ചു. കേസിലെ അന്വേഷണ ഉദ്യോഗസ്ഥരെ അപായപ്പെടുത്തുന്നതിന് ദിലീപും സംഘവും ഗൂഢാലോചന നടത്തിയ കേസിലെ അന്വേഷണം പൂര്‍ത്തിയാകുന്നത് വരെ മാര്‍ട്ടിന്‍ ആന്റണിക്ക് ജാമ്യം അനുവദിക്കരുതെന്ന സര്‍ക്കാര്‍ ആവശ്യം തള്ളിയാണ് ജാമ്യം അനുവദിച്ചത്.
അഞ്ച് വര്‍ഷമായി മാര്‍ട്ടിന്‍ ജയിലില്‍ കഴിയുകയാണെന്ന് കോടതി ചൂണ്ടിക്കാട്ടി. ജസ്റ്റിസ്മാരായ അജയ് രസ്തോഗി, എ എസ് ഓക് എന്നിവരടങ്ങിയ ബെഞ്ചാണ് ജാമ്യം അനുവദിച്ചത്. നടി ആക്രമിക്കപെടുമ്ബോള്‍ മാര്‍ട്ടിന്‍ ആണ് എറണാകുളത്തേക്ക് നടിയുടെ കാര്‍ ഓടിച്ചിരുന്നത്. ഒന്നാം പ്രതി പള്‍സര്‍ സുനിയുമായി അടുപ്പമുള്ള മാര്‍ട്ടിനാണ് നടിയുടെ വിവിരങ്ങള്‍ ചോര്‍ത്തി നല്‍കിയതെന്നുമാണ് പ്രോസിക്യൂഷന്‍ വാദം.
അന്വേഷിച്ച ഉദ്യോഗസ്ഥരെ അപായപെടുത്താന്‍ ഗൂഢാലോചന നടത്തിയെന്ന കേസിലെ ആരോപണങ്ങള്‍ ഗുരുതരമാണെന്ന് കോടതി നിരീക്ഷിച്ചു. എന്നാല്‍ മാര്‍ട്ടിന്റെ ജാമ്യ അപേക്ഷയ്ക്ക് പുറത്ത് ഉള്ള വിഷയങ്ങളിലേക്ക് കടക്കുന്നില്ലെന്ന് വ്യക്തമാക്കി