ന്യൂഡല്ഹി: നടിയെ ആക്രമിച്ച കേസില് വിചാരണ പൂര്ത്തിയാക്കാന് സമയം നീട്ടി നല്കണമെന്ന ആവശ്യം അംഗീകരിച്ച് സുപ്രീംകോടതി. വിചാരണ പൂര്ത്തിയാക്കാന് മാര്ച്ച് 31 വരെ സമയം നല്കി. വിചാരണ പൂര്ത്തിയാക്കി വിധി പറയാന് വീണ്ടും സമയം നീട്ടി നല്കണമെന്ന വിചാരണക്കോടതി ജഡ്ജിയുടെ റിപ്പോര്ട്ട് പരിഗണിച്ചാണ് സുപ്രീംകോടതിയുടെ നടപടി.
കഴിഞ്ഞ തവണ കേസ് പരിഗണിച്ചപ്പോള് വിചാരണ ജൂലായ് 31 ന് ഉള്ളില് പൂര്ത്തിയാക്കണമെന്ന് സുപ്രീംകോടതി നിര്ദ്ദേശം നല്കിയിരുന്നു. എന്നാല് സാക്ഷി വിസ്താരം പൂര്ത്തിയാക്കാന് മാത്രം മൂന്ന് മാസം വേണമെന്നും ആറ് സാക്ഷികളുടെ വിസ്താരം ബാക്കിയുണ്ടെന്നും വിചാരണക്കോടതി ജഡ്ജി ഹണി എം വര്ഗീസ് സുപ്രീംകോടതിയോട് ആവശ്യപ്പെടുകയായിരുന്നു. വിചാരണക്കോടതി ജഡ്ജിയുടെ ആവശ്യം ജസ്റ്റിസുമാരായ അനിരുദ്ധ ബോസ്, ബേല എം. ത്രിവേദി എന്നിവരടങ്ങിയ സുപ്രീംകോടതി ബെഞ്ചാണ് പരിഗണിച്ചത്.