ന്യൂഡല്ഹി: മോദി പരാമര്ശത്തിലെ ശിക്ഷാ വിധി സുപ്രീംകോടതി സ്റ്റേ ചെയ്തതോടെ കോണ്ഗ്രസ് നേതാവ് രാഹുല് ഗാന്ധിക്ക് ലോക്സഭാംഗത്വം പുനഃസ്ഥാപിക്കാന് വൈകുന്നത് ലോക്സഭയിലെ പ്രസംഗം തടയാന് വേണ്ടിയെന്ന് കോണ്ഗ്രസ് സംഘടനാ ജനറല് സെക്രട്ടറി കെ.സി വേണുഗോപാല്. നടപടി വൈകിപ്പിക്കുന്നത് വയനാട്ടിലെ ജനങ്ങളോടുള്ള വെല്ലുവിളിയാണ്. വിചാരണക്കോടതിയുടെ വിധി സുപ്രീംകോടതി സ്റ്റേ ചെയ്തതോടെ രാഹുല് ഗാന്ധിയുടെ അയോഗ്യത മാറിയിരുന്നു. സ്പീക്കറുടെ സാങ്കേതികമായ അനുമതി മാത്രമാണ് ഇനി അവശേഷിക്കുന്നതെന്നും അദ്ദേഹം ഡല്ഹിയില് പറഞ്ഞു.
രാഹുലിന്റെ പ്രസംഗത്തെ കേന്ദ്രസര്ക്കാര് ഭയക്കുന്നു അതുകൊണ്ടാണ് സ്പീക്കറുടെ അനുമതി ലഭിക്കാന് വൈകുന്നത്. മണിപ്പൂര് കത്തിയെരിയുമ്പോള് പ്രധാനമന്ത്രി പാര്ലമെന്റില് എത്തുന്നില്ല. മോദിയെ പാര്ലമെന്റില് എത്തിക്കാനാണ് പ്രതിപക്ഷം അവിശ്വാസ പ്രമേയം കൊണ്ടുവന്നതെന്നും വേണുഗോപാല് പ്രതികരിച്ചു.