ഭോപാല്‍: മധ്യപ്രദേശിലെ സാഗര്‍ ജില്ലയില്‍ ലൈംഗികാതിക്രമ പരാതി നല്‍കിയതിന്റെ പേരില്‍ പെണ്‍കുട്ടിയുടെ സഹോദരനെ ആള്‍ക്കൂട്ടം മര്‍ദിച്ചു കൊന്നു. പെണ്‍കുട്ടിയെയും മര്‍ദിച്ച ആള്‍ക്കൂട്ടം ഇവരുടെ അമ്മയുടെ വസ്ത്രങ്ങള്‍ വലിച്ചൂരി നഗ്‌നയാക്കി.
4 പേര്‍ ഭീഷണിപ്പെടുത്തുകയും മര്‍ദിക്കുകയും ചെയ്‌തെന്നുകാട്ടി 2019ല്‍ പെണ്‍കുട്ടി നല്‍കിയ പരാതിയുടെ പേരിലാണ് ആക്രമണമെന്നു പൊലീസ് പറയുന്നു. ഇതില്‍ നാലു പ്രതികളെയും അറസ്റ്റ് ചെയ്തു. കേസ് കോടതിയിലാണ്. ആള്‍ക്കൂട്ട ആക്രമണത്തില്‍ 9 പേര്‍ക്കെതിരെ കൊലക്കുറ്റത്തിനു കേസെടുത്തു. പട്ടികജാതി പട്ടികവര്‍ഗ നിയമങ്ങള്‍ പ്രകാരവും കേസുണ്ട്. 8 പേരെ അറസ്റ്റ് ചെയ്‌തെന്ന് എഎസ്പി സഞ്ജീവ് ഉയികെ പറഞ്ഞു.
കേസ് പിന്‍വലിപ്പിക്കാന്‍ കുറെപ്പേര്‍ സമ്മര്‍ദം ചെലുത്തിയിരുന്നെന്നു 18കാരിയായ പെണ്‍കുട്ടി വെളിപ്പെടുത്തി. ഇതാണ് ആക്രമണത്തിനു കാരണമെന്നും അവര്‍ പറഞ്ഞു.