കെ റെയിൽ പദ്ധതി എതിർത്ത് ഹർജി നൽകിയവരുടെ ഭൂമിയിലെ സർവേ തടഞ്ഞ് ഹൈക്കോടതി. സർക്കാരിന് ക്ഷീണമായി കോടതിയുടെ ഇടപെടൽ

Must Read

കൊച്ചി : സർക്കാരിനെ വെട്ടിലാക്കി കെ റെയിലിൽ ഹൈ കോടതിയുടെ ഇടപെടൽ. കെ റെയിൽ പദ്ധതിയെ എതിർത്ത് ഹർജി നൽകിയവരുടെ ഭൂമിയിലെ സർവേ ഹൈക്കോടതി തടഞ്ഞു. അടുത്ത സിറ്റിങ് വരെയാണ് സർവേ തടഞ്ഞിരിക്കുന്നത്.

Herald News TV വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group 1 | Whatsapp Group 2 | Telegram Group | Google News ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക

ഡി.പി.ആർ വിഷയത്തിൽ വിശദമായ മറുപടി നൽകാൻ ആവശ്യപ്പെട്ട കോടതി കേസ് പരിഗണിക്കുന്നത് അടുത്തമാസം ഏഴിലേക്ക് മാറ്റിവെച്ചിട്ടുണ്ട്. ഇതുവരെ സർവേ നടപടികൾ നിർത്തിവെക്കുമെന്ന് കോടതി അറിയിച്ചിട്ടുണ്ട്.

എല്ലാ നിയമവും പാലിച്ചു മാത്രമേ ഇത്തരം ഒരു പദ്ധതി നടപ്പാക്കാനാകൂ എന്നും കല്ലിട്ടുന്നതിന് മുൻപ് സർവേ തീർക്കണമായിരുന്നു എന്നും കോടതി സർക്കാരിനെ ഓർമിപ്പിച്ചു.

ഏകദേശം 10 ഓളം ഹർജികളാണ് ഇതുമായി ബന്ധപ്പെട്ട് ഹൈക്കോടതിയുടെ പരിഗണയിലുള്ളത്. എന്ത് അടിസ്ഥാനത്തിലാണ് ഡി.പി.ആർ തയാറാക്കിയത്, ഏരിയൽ സർവേയുടെ അടിസ്ഥാനത്തിൽ ഡി.പി.ആർ തയാറാക്കിയത് നിയമപരമാണോ, നടപടിക്രമങ്ങൾ എല്ലാം പാലിച്ചാണോ സർക്കാർ പദ്ധതിക്ക് തയാറെടുത്തത് എന്നതുപ്പെടെയുള്ള ചോദ്യങ്ങൾ കോടതി ചോദിച്ചു.

സംസ്ഥാനം സമർപ്പിച്ച ഡി.പി.ആർ പരിശോധിക്കുകയാണെന്നും അന്തിമ തീരുമാനം എടുത്തിട്ടില്ലെന്നും കേന്ദ്ര സർക്കാറിന് വേണ്ടി ഹാജരായ അഡീഷണൽ സോളിസിറ്റർ ജനറൽ കോടതിയെ അറിയിച്ചു.

അതേ സമയം ഹൈക്കോടതിയുടെ പരാമർശങ്ങൾ മറയാക്കി ജനങ്ങൾ അടയാള കല്ലുകൾ പിഴുതിടുകയാണെന്ന് കെ റെയിൽ കോടതിയെ അറിയിച്ചു. അടയാളക്കല്ലുകളിൽ ആളുകൾ റീത്ത് വെക്കുകയാണെന്നും സർക്കാർ പറഞ്ഞു.

കെ റെയിലിനെതിരെ പ്രതിഷേധം നടക്കുന്ന സാഹചര്യത്തിലെ കോടതി വിധി സർക്കാരിന് ക്ഷീണമായിട്ടുണ്ട്.

Latest News

തദ്ദേശ ഉപതിരഞ്ഞെടുപ്പിൽ യുഡിഎഫിന് കനത്ത പ്രഹരം! ഇടതുപക്ഷം 5 സീറ്റുകൾ പിടിച്ചെടുത്തു !ആറിടത്ത് എല്‍ഡിഎഫിന് അട്ടിമറി വിജയം.എന്‍ഡിഎ-3;യുഡിഎഫ്-10

തിരുവനന്തപുരം: തദ്ദേശ സ്വയം ഭരണ വാര്‍ഡുകളിലേക്ക് നടന്ന ഉപതിരഞ്ഞെടുപ്പില്‍ യുഡിഎഫിന് കനത്ത പ്രഹരം .കയ്യിലുണ്ടായിരുന്ന 4 സീറ്റുകൾ യുഡിഎഫിന് നഷ്ട്ടമായി .ഇടതുമുന്നണിക്ക് നേട്ടം ഉപതിരഞ്ഞെടുപ്പ് നടന്ന...

More Articles Like This