ബോളിവുഡ് നായിക കങ്കണയുടെ മുന് കാമുകന് അദ്ധ്യായന് സുമന്റെ വെളിപ്പെടുത്തല് സോഷ്യല് മീഡിയയില് വൈറലായിരുന്നു. ഇപ്പോഴിതാ കങ്കണയ്ക്കെതിരായ തുറന്നു പറച്ചിലില് കുറ്റബോധമില്ലെന്ന് വ്യക്തമാക്കിയിരിക്കുകയാണ് അദ്ധ്യായന് സുമന്, നടനും അവതാരകനുമായ ശേഖര് സുമന്റെ മകനാണ് അദ്ധ്യായന്.
പൂജാഭട്ട് സംവിധാനം ചെയ്ത റാസിന്റെ സെറ്റില് വച്ച് പരിചയപ്പെട്ട കങ്കണയും അദ്ധ്യായനും പ്രണയത്തിലാവുകയായിരുന്നു. 2009ല് ഇരുവരും പിരിയുകയും ചെയ്തു. മാസങ്ങള് മാത്രമാണ് ഇരുവരും തമ്മിലുള ബന്ധം നിലനിന്നിരുന്നതെങ്കിലും 2017ല് കങ്കണയ്ക്കെതിരെ അദ്ധ്യായന് ഉയര്ത്തിയ ആരോപണങ്ങള് ബോളിവുഡിനെ പിടിച്ചു കുലുക്കിയിരുന്നു. തന്നില് ദുര്മന്ത്രവാദം നടത്താന് കങ്കണ ശ്രമിച്ചെന്നും ആര്ത്തവ രക്തം കലര്ന്ന ഭക്ഷണം കഴിപ്പിച്ചെന്നും അദ്ധ്യായന് സുമന് ആരോപിച്ചിരുന്നു. ഒരു ദിവസം രാത്രി 12 മണിക്ക് കറുത്ത വസ്ത്രമണിഞ്ഞ് കങ്കണ പൂജ ചെയ്തെന്നും ചില മന്ത്രങ്ങള് ചൊല്ലാന് കങ്കണ നിര്ബന്ധിച്ചെന്നും പിന്നീട് ഒരു മുറിയില് പൂട്ടിയിട്ടെന്നും സുമന് പറഞ്ഞിരുന്നു ഈ പറഞ്ഞതിലൊന്നും കുറ്റബോധമില്ലെന്നാണ് അദ്ധ്യായന് ന്യൂസ് 18 ഷോയ്ക്ക് നല്കിയ അഭിമുഖത്തില് പറഞ്ഞത്.