തായ്‌ലാന്‍ഡില്‍ രാജവെമ്പാലയെ പാകം ചെയ്ത് വില്‍ക്കുന്ന വീഡിയോയാണ് സോഷ്യല്‍മീഡിയയില്‍ വൈറലാവുന്നത്. @Travelicious എന്ന യൂട്യൂബ് ചാനലാണ് വീഡിയോ സോഷ്യല്‍ മീഡിയയില്‍ പോസ്റ്റ് ചെയ്തിരിക്കുന്നത്. ബാങ്കോക്കിലുള്ള കോബ്ര എന്ന് പേരായ റെസ്റ്റോറന്റിലാണ് രാജ വെമ്പാലയെ പാകം ചെയ്യുന്നത്. അവിടെ വേറെ ഏതൊരു മാംസവും പാകം ചെയ്യുന്നത് പോലെ തന്നെയേ ഉള്ളൂ ഈ പാമ്പ് മാംസവും. വീഡിയോയില്‍ ഒരു സ്ത്രീ പാമ്പിനെ വൃത്തിയാക്കുന്നതും പാകം ചെയ്യുന്നതും എല്ലാം വളരെ വ്യക്തമായി പതിഞ്ഞിട്ടുണ്ട്. അതായത്, പാമ്പിനെ തിരഞ്ഞെടുക്കുന്നത് മുതല്‍ കഴിക്കുന്ന ആളുടെ പാത്രത്തിലേക്ക് അത് ഡിഷ് ആയി എത്തുന്നത് വരെ എന്ന് അര്‍ത്ഥം.
അവസാനം, സോസ് പോലെയുള്ള ഒന്നിനൊപ്പം രണ്ട് തരത്തിലുള്ള ഡിഷ് ആയിട്ടാണ് ഈ പാമ്പിന്റെ മാംസം നല്‍കുന്നത്. ‘അമേസിങ് സ്‌നേക്, ഒരു രാജവെമ്പാലയെ എങ്ങനെ പാകം ചെയ്യാം- തായ് സ്ട്രീറ്റ് ഫുഡ്’ എന്ന് കാപ്ഷനില്‍ കുറിച്ചിട്ടുണ്ട്. നിരവധിപ്പേരാണ് യൂട്യൂബില്‍ വീഡിയോ കണ്ടതും തങ്ങളുടെ അഭിപ്രായങ്ങള്‍ രേഖപ്പെടുത്തിയതും.