മീഡിയാവണിന്‍റെ ലൈസന്‍സ്​ കാലാവധി പ്ര​ശ്നമല്ലെന്ന് സുപ്രീംകോടതി

Must Read

മീഡിയാവണ്‍ ചാനലിന്​ സംപ്രേഷണത്തിന്​ അനുമതി നല്‍കി പുറപ്പെടുവിച്ച ഇടക്കാല ഉത്തരവിന്​ ​മേല്‍ ​ലൈസന്‍സ്​ കാലാവധി കഴിഞ്ഞുവെന്ന തടസവാദം ഉന്നയിക്കാന്‍ കേന്ദ്രസര്‍ക്കാര്‍ നടത്തിയ നീക്കം സുപ്രീംകോടതി തള്ളിക്കളഞ്ഞു. മുദ്രവെച്ച കവറുകളിന്മേലുള്ള കോടതി വ്യവഹാരത്തിനോട്​ യോജിപ്പില്ലെന്നും ജസ്റ്റിസ്​ ഡി.വൈ ചന്ദ്രചൂഡ്​ അധ്യക്ഷനായ ബെഞ്ച്​ കേന്ദ്ര സര്‍ക്കാറിനെ ഓര്‍മിപ്പിച്ചു.

Herald News TV വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group 1 | Whatsapp Group 2 | Telegram Group | Google News ഞങ്ങളുടെ യൂട്യൂബ് ചാനൽ സബ്സ്ക്രൈബ് ചെയ്യുക

മീഡിയാവണിന്‍റെ സുരക്ഷാ ക്ലിയറന്‍സ്​ നിഷേധിച്ച കേന്ദ്ര ആഭ്യന്തര മന്ത്രാലയത്തിന്‍റെ ഉത്തരവ്​ സ്​റ്റേ ചെയ്തും സംപ്രേഷണത്തിന്​ അനുമതി നല്‍കിയും ​മുമ്ബ്​ നടന്നിരുന്നത്​ പോലെ ചാനല്‍ നടത്താന്‍ ജസ്റ്റിസ്​ ചന്ദ്രചൂഡ്​ ഉത്തരവ്​ പുറപ്പെടുവിക്കുകയും കോടതി അത്​ രേഖപ്പെടുത്തുകയും ചെയ്ത ശേഷമായിരുന്നു അഡീഷനല്‍ സോളിസിറ്റര്‍ ജനറല്‍ രാജു ലൈസന്‍സ്​ കഴിഞ്ഞ ചാനലിന്​ പ്രവര്‍ത്തിക്കാനാവില്ല എന്ന്​ വാദിച്ചത്​. ഇത്​ ഖണ്ഡിച്ച ജസ്റ്റിസ്​ ചന്ദ്രചൂഡ്​ ഡിസംബറില്‍ ലൈസന്‍സ്​ കഴിഞ്ഞിട്ടും ജനുവരിയിലും സംപ്രേഷണം തുടര്‍ന്നല്ലോ എന്ന്​ കേ​ന്ദ്ര സര്‍ക്കാര്‍ അഭിഭഷകനോട്​ തിരിച്ചുചോദിച്ചു. ഉത്തരമില്ലാതായ എ.എസ്​.ജിയോട്​ ജനുവരിയില്‍ നടന്നപോലെ ഇനിയും നടക്കട്ടെയെന്ന്​ പറഞ്ഞ്​ ഇടക്കാല ഉത്തരവിന്​ ശേഷവും ചാനല്‍ സംപ്രേഷണം തടയാനുള്ള നീക്കത്തിന്‍റെ വഴിയടച്ചു.

കേരള ഹൈകോടതി സിംഗിള്‍ ബെഞ്ച്​ വിധി പുറപ്പെടുവിച്ച ജഡ്​ജിക്കെതിരെ വിലക്കിന്​ ശേഷം തുടര്‍ന്ന മീഡിയാവണ്‍ യൂ ട്യൂബ്​ ചാനല്‍ പരാമര്‍ശങ്ങള്‍ നടത്തിയെന്ന ആരോപണം ഉന്നയിച്ച്‌​ കേന്ദ്ര സര്‍ക്കാറിന്‍റെ മറ്റൊരു അഭിഭാഷകനായ നടരാജും ഇടക്കാല ഉത്തരവ്​ പുറപ്പെടുവിക്കുന്നത്​ തടയാന്‍ നോക്കി. എന്നാല്‍ ചാനലിന്​ അനുകൂലമായ ഇടക്കാല ഉത്തരവ്​ പുറപ്പെടുവിക്കാനുള്ള നീക്കത്തില്‍ നിന്ന്​ അത്​കൊണ്ടും മൂന്നംഗ ബെഞ്ചിനെ തടയാന്‍ കേന്ദ്രത്തിന്‍റെ അഭിഭാഷകനായില്ല.

കേന്ദ്ര സര്‍ക്കാറിന്​ നല്‍കിയ ശക്​തമായ മറ്റൊരു സന്ദേശത്തില്‍ ‘മുദ്രവെച്ച കവറുകളുടെ കോടതി വ്യവഹാര’ത്തില്‍ താല്‍പര്യമില്ലെന്ന് ജസ്റ്റിസ്​ ചന്ദ്രചൂഢ്​ വ്യക്​തമാക്കി. ‘മുദ്രവെച്ച കവറുകളുടെ കോടതി വ്യവഹാരം’ സുപ്രീംകോടതി തള്ളിക്കളഞ്ഞതാണെന്ന്​ പഴയ വിധി ഉദ്ധരിച്ച്‌​ ‘മാധ്യമം ബ്രോഡ്​കാസ്റ്റിങ്​ ലിമിറ്റഡി’ന്​ വേണ്ടി ഹാജരായ മുതിര്‍ന്ന അഭിഭാഷകന്‍ ദുഷ്യന്ത്​ ദവെ വാദിച്ചപ്പോഴായിരുന്നു ഇത്​. ​

തുടര്‍ന്ന്​ കേന്ദ്ര ആഭ്യന്തര മന്ത്രാലയം മുദ്രവെച്ച കവറില്‍ സമര്‍പ്പിച്ച രഹസ്വസ്വഭാവമുള്ള ഫയലുകള്‍ കോടതിക്ക്​ അറിയണമെന്ന്​ ജസ്റ്റിസ്​ ചന്ദ്രചൂഢ്​ വ്യക്​തമാക്കി. അവരുടെ ബിസിനസ്​ അടച്ചിട്ടിരിക്കുകയാണ്​. എന്നിട്ടും എന്താണ്​ ഫയല്‍ വെളിപ്പെടുത്തുന്നതില്‍ കേന്ദ്രത്തിന്​ തടസം. അതില്‍ എന്താണ്​ പ്രയാസമെന്നും ജ. ചന്ദ്രചൂഢ്​ ചോദിച്ചു. ഫയലുകളിലെ രഹസ്യവിവരങ്ങള്‍ വെളി​പ്പെടുത്തുന്നതില്‍ മീഡിയാവണിന്​ പ്രശ്നമില്ലല്ലോ എന്ന ചോദ്യത്തിന്​ വെളിപ്പെടുത്തണമെന്നാണ്​ തങ്ങള്‍ ആവശ്യപ്പെടുന്നതെന്ന്​ ദുഷ്യന്ത്​ ദവെ ആവര്‍ത്തിച്ചു.

Latest News

ബിജെപി കുത്തക തകർന്നു..15 വര്‍ഷം അധികാരത്തിലിരുന്ന ബിജെപിയില്‍ നിന്നും ഡല്‍ഹി കോര്‍പ്പറേഷന്‍ ഭരണം പിടിച്ചെടുത്ത് എഎപി; തകര്‍ന്നടിഞ്ഞ് കോണ്‍ഗ്രസ്

ദില്ലി: ദില്ലി മുൻസിപ്പൽ കോർപ്പറേഷന്‍റെ കൂടി അധികാരം നേടി രാജ്യതലസ്ഥാനത്തെ രാഷ്ട്രീയ അപ്രമാദിത്വം നിലനിറുത്തുകയാണ് ആം ആദ്മി പാർട്ടി. തുടര്‍ച്ചയായി 15 വര്‍ഷം ഭരിച്ച ഡല്‍ഹി...

More Articles Like This