മാഞ്ചസ്റ്റര്: മുന്മുഖ്യമന്ത്രിയും കോണ്ഗ്രസ് നേതാവുമായ ഉമ്മന്ചാണ്ടിയുടെ മരണത്തെ തുടര്ന്ന് പുതുപ്പള്ളിയില് നടന്ന ഉപതിരഞ്ഞെടുപ്പില് യുഡിഎഫ് സ്ഥാനാര്ഥി ചാണ്ടി ഉമ്മന് വിജയിച്ചതില് സന്തോഷം പ്രകടിപ്പിച്ച് യുകെ മലയാളികള്. ഇന്ത്യന് ഓവര്സീസ് കോണ്ഗ്രസ് യുകെ കേരള ചാപ്റ്ററിന്റെ നേതൃത്വത്തിലാണ് യുകെ മലയാളികള് മാഞ്ചസ്റ്ററില് വിജയമാഘോഷിച്ചത്. മാഞ്ചസ്റ്ററിലെ കത്തീഡ്രല് യാര്ഡിലെ മഹാത്മാ ഗാന്ധിയുടെ പ്രതിമയ്ക്ക് മുന്നില് കേക്ക് മുറിച്ചും മധുര പലഹാരങ്ങള് വിതരണം ചെയ്തും മുദ്രാവാക്യങ്ങള് മുഴക്കിയുമാണ് ചാണ്ടി ഉമ്മന്റെ വിജയം ആഘോഷിച്ചത്.
ഐഒസി യുകെ കേരള ചാപ്റ്റര് മീഡിയ കോര്ഡിനേറ്റര് റോമി കുര്യാക്കോസ്, സച്ചിന് സണ്ണി, ഷിനാസ് ഷാജു, ഫെബിന് സാബു, ലാല്സ് സെബാസ്റ്റ്യന്, നിസാര് അലിയാര്, റോണിമോന് ജോസഫ്, ആദില് കറുമുക്കില്, സെബിന് സെബാസ്റ്റ്യന്, സെബാന് ബേബി, മുഹമ്മദ് റസാഖ്, ബിജോ ജോസഫ്, ജെസ്റ്റിന് ജോസ്, സുധീഷ് കെ ജോസഫ് എന്നിവര് ആഘോഷങ്ങള്ക്ക് നേതൃത്വം നല്കി. പുതുപ്പള്ളി ഉപതിരഞ്ഞെടുപ്പ് പ്രചാരണ രംഗത്ത് ഐഒസി യുകെ കേരള ചാപ്റ്റര് പ്രതിനിനിധികളായി പ്രസിഡന്റ് സുജു ഡാനിയേല്, ബോബിന് ഫിലിപ്പ് എന്നിവര് പങ്കെടുത്തിരുന്നു.