പോര്ട്സ്മൗത്ത്: യുകെ മലയാളി പോര്ട്സ്മൗത്തില് അന്തരിച്ചു. കോട്ടയം കുടമാളൂര് സ്വദേശിയും ഗായകനുമായ അനില് ചെറിയാന് (36) ആണ് മരിച്ചത്. യുകെ പോര്ട്സ്മൗത്തിന് സമീപമുള്ള വാട്ടര്ലൂവില്ലെയില് കുടുംബമായി താമസിച്ചിരുന്ന അനില് ശാരീരിക അസ്വസ്ഥതകളെ തുടര്ന്ന് രണ്ട് ദിവസങ്ങള്ക്ക് മുന്പാണ് പോര്ട്സ്മൗത്ത് ക്വീന് അലക്സാന്ദ്ര ഹോസ്പിറ്റലില് ചികിത്സയില് പ്രവേശിച്ചത്. തുടര്ന്ന് ഇന്ന് പുലര്ച്ചെ ഒരു മണിയോടെയാണ് മരണമടഞ്ഞത്.
ഹാംഷെയര് കൗണ്ടി കൗണ്സിലിന്റെ സൗത്താംപ്ടണിലെ ഫോറസ്റ്റ് കോര്ട്ട് കെയര് ഹോം ഡപ്യൂട്ടി മാനേജരായ ജോമി അനിലാണ് ഭാര്യ. വിദ്യാര്ഥികളായ ഹെവന്(10), ഹെയസില്(7) എന്നിവരാണ് മക്കള്. ഫോറസ്റ്റ് കോര്ട്ട് കെയര് ഹോമിലെ ജീവനക്കാരന്നായിരുന്ന അനില് 2008 ലാണ് യുകെയില് എത്തുന്നത്. സിംഫണി ഓര്ക്കസ്ട്രയിലൂടെ യുകെ മലയാളികള്ക്ക് സുപരിചിതനായിരുന്ന അനില് ചെറിയാന്റെ വേര്പാട് ബന്ധുക്കള്ക്കും സുഹൃത്തുക്കള്ക്കും ഇപ്പോഴും വിശ്വസിക്കാന് കഴിഞ്ഞിട്ടില്ല. ഹോസ്പിറ്റലില് പ്രവേശിക്കും മുന്പ് വരെ സിംഫണിയിലൂടെ സജീവമായിരുന്ന അനിലിന്റെ വിയോഗം മലയാളി സമൂഹത്തിന് ഏറെ ഞെട്ടല് ഉണ്ടാക്കിയിരിക്കുകയാണ്.