കോവിഡ് എന്ന പിശാചിനെ അയച്ചത് അള്ളാഹുവെന്ന് സിപിഎം നേതാവ് ടി കെ ഹംസ ; ഖുര്‍ആനും നബിവചനവും അംഗീകരിക്കാതെയുള്ള പ്രവൃത്തികൊണ്ടാണ് കോവിഡ് പിടികൂടിയതെന്നും ഹംസ

കോവിഡിനെ അയച്ചത് അള്ളാഹുവെന്ന് സിപിഎം നേതാവ് ടി കെ ഹംസ. നമ്മെ നേരെയാക്കാതെ കോവിഡ് ഇവിടം വിട്ട് പോകില്ലെന്നും ടി കെ ഹംസ പറഞ്ഞു.

ഖുറാനും നബിവചനവും അംഗീകരിച്ചില്ലെങ്കില്‍ കോവിഡ് പിടികൂടുമെന്ന് മുന്‍ എംപിയും വഖഫ് ബോര്‍ഡ് ചെയര്‍മാനും സിപിഎം നേതാവുമായ ടികെ ഹംസ പറഞ്ഞു.

വഖഫ് ആക്ഷന്‍ കൗണ്‍സില്‍ കോഴിക്കോട് സംഘടിപ്പിച്ച വഖഫ് സംരക്ഷണ സമ്മേളനത്തില്‍ വച്ചാണ് ഹംസയുടെ ഈ പരാമര്‍ശം.

കോടാനുകോടിയുടെ വഖഫ് സ്വത്തുകളാണ് അന്യാധീനപ്പെട്ടതെന്നും സമുദായത്തിലെ ഇത്തരം പ്രവൃത്തികൊണ്ടാണ് കോവിഡ് പിടികൂടിയതെന്നും ഹംസ പറയുന്നു.

വഖഫ് സംരക്ഷണത്തിന് ജനങ്ങളുടെ പിന്തുണയും സഹകരണവുമുപയോഗിച്ച് അള്ളാഹുവിന്റെ പ്രീതിക്ക് വേണ്ടിയുള്ള നടപടികളാണ് വേണ്ടതെന്നും ഹംസ കൂട്ടിച്ചേർത്തു.