വിവാദമായി കോടിയേരിയുടെ വർഗീയ പരാമർശം ; സ്വന്തം പാർട്ടിയിലെ ചരിത്രം കണ്ടില്ലെന്ന് നടിച്ച് കോൺഗ്രസിനുമേൽ വർഗീയത ചുമത്തുന്ന കോടിയേരി തന്ത്രം

കോൺഗ്രസിന് നേരെ സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ നടത്തിയ വർഗീയ പരാമർശം വിവാദമാകുന്നു. സിപിഎം ജില്ലാ സമ്മേളനത്തിന്റെ സമ്മേളനത്തിന്റെ സമാപന സമ്മേളനം ഉദ്ഘാടനം ചെയ്യവെയാണ് കോടിയേരി ബാലകൃഷ്ണൻ വിവാദ പ്രസ്താവന നടത്തിയത്.

സ്വന്തം പാർട്ടിയിലെ പൂർവ ചരിത്രം മറച്ച് പിടിച്ചുകൊണ്ടാണ് കോടിയേരി കോൺഗ്രസിനെ പഴിയ്ക്കുന്നത്. ഒടുവിൽ വിവാദ പരാമർശം കോടിയേരിയ്ക്ക് തന്നെ വിനയായി.

കോൺഗ്രസിനെ നയിക്കുന്നവരിൽ മതന്യൂനപക്ഷ വിഭാഗത്തിൽ നിന്ന് ആരും ഇല്ലെന്ന കോടിയേരി ബാലകൃഷ്ണന്റെ പ്രസ്താവനയാണ് വിവാദമായിരിക്കുന്നത്. സ്വന്തം പാർട്ടി മത ന്യൂനപക്ഷങ്ങൾക്ക് നൽകുന്ന പ്രാധാന്യം കോടിയേരി അളക്കേണ്ട സമയം ഒരുപാട് അതിക്രമിച്ചിരിക്കുന്നു.